1 Ebyomubyanda 21:17 - Baibuli Ekibono kya Katonda 2014

¹⁷ Agho Daudi yaakoba Katonda ati: “Ninze nalagira okubala abantu. Ninze eyayonoona, naakola ekibi einho. Aye abantu bano abali ng'oti ntaama butaama bakoze ki? Kyenva ni nkusaba, iwe Musengwa Katonda wange, omukono gwo gukube nze n'ab'endhu ya lata wange. Otaganha kibamba kugwira bantu bo.”

1 Ebyomubyanda 21:17 ပူးပေါင်းရင်းမြစ်များ

Amainhama 44:33

Kale ni musengwa wange, nkweghembye, nganha nze nsigale ghano nga ndi mwiru wo, mu kifo ky'omwisuka aye oleke omwisuka aireyo ni baganda be.

2 Samueli 12:10

Kale ni mu b'endhu yo timuja kulekera kubangamu aitibwa, kuba onnhoomye nze waatwala muka Uria Omuhitti waamufuula mukazi wo.’

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

2 Samueli 24:17

Daudi bwe yabona malaika eyali ali kwita abantu, yaasaba Musengwa Katonda ati: “Linga, nze ninze eyayonoona, naakola ekibi einho, aye abantu bano bazira kye baakola kiri kubaitisa. Kyenva ni nsaba nti, omukono gwo gugwaine kukuba nze n'ab'endhu ya lata wange.”

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

1 Ebyomubyanda 21:8

Daudi yaasaba Katonda ati: “Wo Musengwa Katonda nhonoine inho olw'ekyo kye nkoze. Era nkweghembye ntoolaaku ekibi ekyo nze omugheereza wo, kuba nkoze kya busiru inho.”

Zabbuli 44:11

Watuleka baatwita ng'oti ntaama, watusansaaniza mu maghanga agandi.

Zabbuli 51:14

Wonia obulamu bwange iwe Katonda wange ondokole, ndidha kukoberanga abantu obulungi bwo.

Zabbuli 51:4

Nasobya eri iwe mwene wenka, era naakola ebibi mu maiso go, kale oli mutuufu mu ky'oba ng'osazeegho, era tonenezebwa bw'oba ng'onsaliire omusango okunsinga.

Zabbuli 74:1

Wo Katonda, lwaki otuswire ere n'otwerabira ebyanda n'ebyanda? Lwaki otusungughaliire ife entaama dho dh'oyaya?

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Yona 1:12

Yaabairamu ati: “Munsuule mu nhandha eidha kulaala, kuba ndidhi nti musango gwange. Ninze mbaleeseeku ekibambulira kino.”

Ab'e Roma 9:3

Kuba kasinga nze mwene Kurisito yandiinaamye olwa baganda bange, ab'eighanga eirala ninze.

Yoshua 22:18

Buti musazeegho obutakola nga Musengwa Katonda mwene bw'ayenda? Bwe musalagho okumudheemera olwaleero, enkyo aja kusungughalira Abaisiraeli twenatwena.

1 Yoanne 3:16

Ku kino kwe tumanhira okugonza. Nga Kurisito bwe yaghaayo obulamu bwe ku lwaife, twena tugwaine okughaayo obulamu bwaife ku lwa baganda baife.