1 Ebyomubyanda 16:40 - Baibuli Ekibono kya Katonda 2014

⁴⁰ Buli nkyo n'eigulo nga bali n'okughaayo eri Musengwa Katonda ku alutaari ebigheebwayo ebyokebwa, nga bajiira ku ebyo byonabyona ebyaghandiikibwa mu Mateeka ga Musengwa Katonda, ge yagha eighanga lya Isiraeli.

1 Ebyomubyanda 16:40 ပူးပေါင်းရင်းမြစ်များ

2 Samueli 8:17

Zadoki mutabane wa Ahitubu ni Ahimeleki mutabane wa Abiathari, baaba bakabona. Seraia yaaba mughandiisi.

1 Bakyabazinga 18:29

Ekiseera eky'omu kasana ghagati bwe kyabita, beeyongera okweyasa okutuuka ku kiseera ekyeigulo eky'okughaayo emisengo. Aye ghaaloba kubaagho mamiro gawulikika, waire okubaagho abairamu, oba abafaaku.

2 Ebyomubyanda 2:4

Bona, ndi kutegeka okuzimbira Musengwa Katonda wange eisinzizo, okumugheesa ekitiisa. Ndidha kughaayo eisinzizo eryo libe lya Musengwa Katonda oyo olw'okumuniokezangamu obubbaani obuwunha akawoowo, n'okumuteerangamu emigaati egigheereibwayo y'ali, n'okumugheerangamu ebigheebwayo eby'enkyo n'eigulo ebya buli lunaku, n'eby'oku Sabbato, n'eby'oku mbaga edh'Ebibinuko eby'Okuboneka kw'Omwezi, n'eby'oku mbaga edh'ebibinuko ebindi ebyateebwagho, nga Musengwa Katonda waife oyo bwe yalagira Abaisiraeli okukolanga olubeerera.

2 Ebyomubyanda 31:3

Kyabazinga yaatoola ku bintu ebibye ku bubwe, yaaghaayo ebigheebwayo ebyokebwa, ebya buli nkyo n'ebya buli igulo, n'eby'oku Sabbato, n'eby'oku mbaga ey'Ekibinuko eky'Okuboneka kw'Omwezi, n'eby'oku mbaga edh'ebibinuko ebindi ebyalagirwa, nga bwe kyaghandiikibwa mu Mateeka ga Musengwa Katonda.

Ezera 3:3

Baazimba alutaari eyo mu kifo kye yalimu mu kusooka, waire nga baali batya abantu be baayagaana nga n'ababa mu biketezo ebyo. Era baaghangayo eri Musengwa Katonda, ebigheebwayo ebyokebwa ku alutaari eyo, buli nkyo n'eigulo.

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Abalevi 9:17

Yaaleeta ekigheebwayo eky'emere ey'empeke, yaayoolaku omuganda gw'obuwunga, yaabwokera ku alutaari ng'ayongereza ku kigheebwayo ekyokebwa ekya buli lunaku.

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.