1 Ebyomubyanda 16:31 - Baibuli Ekibono kya Katonda 2014

³¹ Eigulu ka lisangaale n'ensi esagambe, era abantu bakobe mu nsi dhoonadhoona bati: “Musengwa Katonda ni kyabazinga!”

1 Ebyomubyanda 16:31 ပူးပေါင်းရင်းမြစ်များ

1 Ebyomubyanda 16:30

imwe mwenamwena ab'oku nsi mudhugumire mu maiso ge. Yii, ensi ngumu mu kifo kyayo gh'eri, era ghazira kighanga kugisegenhia naire.

Zabbuli 145:1

Wo Katonda wange era Kyabazinga wange, ndidha kukusaakanga olw'obukulu bwo, era nkusiimenga ebyanda n'ebyanda.

Zabbuli 19:1

Eigulu lyoleka ekitiisa kya Katonda, waikendi yaatukobera oyo Katonda bye yakola n'engalo dhe.

Zabbuli 47:8

Katonda atyama ku kityamo kye ekitukuvu eky'obwakyabazinga, yaafuga amaghanga goonagoona.

Zabbuli 89:5

Wo Musengwa Katonda, eby'omu igulu byonabyona ka bikusaake olw'ebyewuunhio by'okola; n'abatukuvu abatyama mu igulu ka bembe obwesigwa bwo,

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Zabbuli 97:1

Musengwa Katonda ni Kyabazinga, ensi yoonayoona k'esagambe, n'ebiketezo eby'oku nhandha eby'okumpi n'eghala bisangaale.

Zabbuli 98:4

Abantu mwenamwena ab'oku nsi mukubire Musengwa Katonda emizira; mutimbuke mu mwembere enhembo edh'eisanhu edhisaaka!

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Matayo 6:13

Totutwala mu kulebwa, aye tulokole mu bubi.’

Luka 15:10

Kale ka mbakobere: Ebaayo okusagamba mu bamalaika ba Katonda olw'omwonooni omulala eyeenenia.”

Luka 2:10

Aye malaika yaabakoba ati: “Mutatya, mubone eno, mbaleeteire Amawulire Amalungi era agasangaaza eri abantu boonaboona

Okwolekebwa 19:6

Agho naawulira ekyali ng'oti mamiro ag'abantu olukunkumuli, oba ng'oti mpiriito ya maadhi, oba ng'oti kutyabuka kwa lukuba okw'amaani. Eiroboozi lyakoba liti: “Musaake Katonda, kuba Musengwa Katonda waife Aghanga Ebintu Byonabyona, n'afuga.