1 Ebyomubyanda 16:29 - Baibuli Ekibono kya Katonda 2014

²⁹ Mughe eriina lya Musengwa Katonda ekitiisa ekirigwaniire; mwidhe mu maiso ge era mumuleetere ebigheebwayo. Musinze Musengwa Katonda mu butukuvu bwe,

1 Ebyomubyanda 16:29 ပူးပေါင်းရင်းမြစ်များ

1 Ebyomubyanda 16:28

Imwe abantu ab'ensi dhoonadhoona musaake Musengwa Katonda, mwatule nga Musengwa Katonda bw'ali ow'ekitiisa era ow'obukumu.

1 Ebyomubyanda 16:30

imwe mwenamwena ab'oku nsi mudhugumire mu maiso ge. Yii, ensi ngumu mu kifo kyayo gh'eri, era ghazira kighanga kugisegenhia naire.

2 Ebyomubyanda 20:21

Bwe yamala okwebuuzaaku ku bantu, yaataagho ab'okwembera Musengwa Katonda okumusaaka, nga bavaire ebivaalo eby'emikolo emitukuvu. Abo baakulemberamu eigye, baaja nga bemba bati: “Musaake Musengwa Katonda, kuba okugonza kwe tikukoma, kubaagho byanda na byanda.”

Zabbuli 100:4

Mungire mu miryango gy'eisinzizo lye nga mumusiima, mutuuke ku mpya dhe nga mumusaaka. Mumusiime era musaake eriina lye,

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Zabbuli 29:1

Imwe abali mu igulu, musaake Musengwa Katonda, mwatule nga Musengwa Katonda bw'ali ow'ekitiisa era ow'amaani.

Zabbuli 29:2

Mwatule muti eriina lya Musengwa Katonda liri n'ekitiisa, musinze Musengwa Katonda ng'aboneike mu butukuvu bwe.

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Zabbuli 72:15

Aghangaale! Abantu ab'omu Sheba bamughenga zaabu; abantu bamusabirenga era bamwendezenga enkabi buliidho omusana n'obwire.

Zabbuli 95:2

Ka tuje y'ali tumusiime tumukubire emizira nga twemba n'enhembo edh'okumusaaka;

Zabbuli 96:6

Aidhwire ekitiisa era mufuzi; mu kifo kye ekitukuvu mwidhwire ebyoleka nga wa maani era nga mulungi.

Zabbuli 96:7

Imwe abantu ab'ensi dhoonadhoona mwatule Musengwa Katonda; mwatule Musengwa Katonda nga bw'ali ow'ekitiisa era ow'obukumu.

Zabbuli 96:9

Musinze Musengwa Katonda ng'aboneike mu butukuvu bwe; imwe mwenamwena ab'oku nsi mumutye mu maiso ge.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Ezekieli 24:25

Era Musengwa Katonda yankoba ati: “Iwe omuntu, olunaku lulituuka naabatoolaku eisinzizo eribaleetera okwebona nga ba maani era nga ba bitiibwa, beesuuta, era lyabasanhusa okulingirira, beegomba okulingiramu. Era ku lunaku olwo ndibatoolaku n'abaana baibwe.

Ezekieli 7:20

Ebyamadholobera byaibwe ebyabonekanga obulungi era nga bibeeyagaza, baabigheesaamu bwa bifaananie ebyenhinhalwa ebiziramu muganhulo naire. Kale ni, Musengwa Katonda kyaviire n'abireetera okubafuukira ebitali birongoofu.

Okwolekebwa 7:12

Nga bakoba bati: “Amiina. Okusinzibwa, okutiibwa, amagezi, okweyanzibwa, okusaakibwa, obukumu, n'amaani, bibenga bya Katonda waife ebyanda n'ebyanda! Amiina.”

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.