1 Ebyomubyanda 16:28 - Baibuli Ekibono kya Katonda 2014

²⁸ Imwe abantu ab'ensi dhoonadhoona musaake Musengwa Katonda, mwatule nga Musengwa Katonda bw'ali ow'ekitiisa era ow'obukumu.

1 Ebyomubyanda 16:28 ပူးပေါင်းရင်းမြစ်များ

1 Ebyomubyanda 16:27

Aidhwire ekitiisa era mufuzi, mu kifo kye mwidhwire ebyoleka nga wa maani era nga musangaavu.

1 Ebyomubyanda 16:29

Mughe eriina lya Musengwa Katonda ekitiisa ekirigwaniire; mwidhe mu maiso ge era mumuleetere ebigheebwayo. Musinze Musengwa Katonda mu butukuvu bwe,

Zabbuli 67:4

Imwe amaghanga mwenamwena musangaale era mwembe olw'eisanhu, kuba Katonda asalira abantu emisango ng'aziramu kyekubira, era yaafuga amaghanga goonagoona ag'oku nsi.

Zabbuli 67:7

Katonda atughaire enkabi; ensi yoonayoona k'emutye okuva y'eva okutuuka y'ekanga.

Zabbuli 68:34

Mulangirire nga Katonda bw'ali ow'amaani; obufuzi bwe bumaamira ensi Isiraeli yoonayoona amaani ge gabonekera ku igulu.

Zabbuli 96:7

Imwe abantu ab'ensi dhoonadhoona mwatule Musengwa Katonda; mwatule Musengwa Katonda nga bw'ali ow'ekitiisa era ow'obukumu.

Zabbuli 98:4

Abantu mwenamwena ab'oku nsi mukubire Musengwa Katonda emizira; mutimbuke mu mwembere enhembo edh'eisanhu edhisaaka!

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Ab'e Filippi 4:13

Nsobola okugumira byonabyona olw'amaani Kurisito g'ampa.

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.