1 Ebyomubyanda 16:14 - Baibuli Ekibono kya Katonda 2014

¹⁴ Oyo ni Musengwa Katonda waife, ebiragiro bye bikola mu nsi yoonayoona.

1 Ebyomubyanda 16:14 ပူးပေါင်းရင်းမြစ်များ

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

1 Ebyomubyanda 16:12

Muteerabiranga ebyewuunhio n'eby'amaani bye yakola, era n'ensala ye yasalamu emisango,

1 Ebyomubyanda 16:13

ku lwaimwe abaana ba Isiraeli omugheereza we, era baidhukulu ba Yakobo oyo ye yeerondera.

1 Ebyomubyanda 16:15

Akuuma endagaano ye ebyanda n'ebyanda, yaagumira ku kibono kye yasuubiza ni bweghabitagho ense olukumi (1,000).

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 118:28

Niiwe Katonda wange, era ndidha kukusiimanga iwe Katonda wange, ndidha kukoberanga abantu nga bw'oli omukologho.

Zabbuli 63:1

Wo Katonda, niiwe Katonda wange, omwoyo guunumira iwe. Nhenda inho okuba gh'oli; ng'oti n'eitaka eikalu bwe lyetaaga maadhi.

Zabbuli 95:7

Oyo ni Katonda waife, ife tuli bantu be b'alabirira, era tuli ntaama dhe dh'ayaya. Kale ngoli ni olwaleero muwulira ky'akoba!

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.