1 Ebyomubyanda 15:29 - Baibuli Ekibono kya Katonda 2014

²⁹ Esanduuku ey'Endagaano ya Musengwa Katonda bwe baali bali kugireeta mu kibuga ekyetebwa ekya Daudi, Mikali mughala wa Saulo yaabisa amaiso mu dinisa yaalinga kuliya, yaabona kyabazinga Daudi ng'ali kukina bw'asagamba. Yaamunhooma mule.

1 Ebyomubyanda 15:29 ပူးပေါင်းရင်းမြစ်များ

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

1 Ebyomubyanda 17:1

Agho kyabazinga Daudi ng'amaze okutyama mu miraala mu kisaagaati kye eky'obwakyabazinga, yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Musengwa Katonda yaaba bwa mu weema!”

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 150:4

Mumusaake nga mukuba engoma bwe mukina, mumusaakire ku bivuga eby'enkosi n'endere.

Zabbuli 30:11

Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Omulangirizi 3:4

Ekiseera eky'okuwowoola, n'ekiseera eky'okuseka. Ekiseera eky'okulira, n'ekiseera eky'okukina.

Yeremia 3:16

Bwe mulizaalagana ni mweyongera okuba abangi mu nsi eyo, olwo abantu baliba tibakaayogera ku Sanduuku ya Ndagaano ya Musengwa kuba baliba tibakaagirowoozaaku waire okugiidhukira. Tighalibaagho muntu awulira mule ng'agyetaaga ebeegho, era tibaja kukolayo yindi kabiri.

Yeremia 30:19

Abantu abakibaamu balyemba enhembo edh'okwebaza, baakuba emizira nga basagamba. Ndibagha enkabi beeyongera okuba abangi nga tibakendeera naire. Abantu balibaghanga ekitiibwa aghazira kunhoomebwa.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Okubala 10:33

Kale baava ku lusozi lwa Musengwa Katonda, baatambula olugendo lwa nnaku isatu. Era Esanduuku ey'Endagaano ya Musengwa Katonda yaabeesookangayo emberi olugendo lwa nnaku isatu, okubanooneza ekifo eky'okusimbamu weema dhaibwe.

Ebikolwa by'Abatume 2:13

Aye abandi baakoba bati: “Abo batamiire mwenge musu!”

1 Ab'e Korintho 2:14

Buli ataba ni Mwoyo taghanga kufuna birabo biva ya Mwoyo wa Katonda, kuba tabitegeera era abitwala ng'obusiru, kuba bimanhibwa ni mwoyo.

2 Ab'e Korintho 5:13

Oba tuli ng'oti balalu, tuli tutyo ku bwa Katonda, aye oba ti tuli balalu, ti tuli tutyo ku lwaimwe.

Amateeka Agokubiri 31:26

“Mutwale ekitabo kino eky'Amateeka, mukite gha mbali gh'Esanduuku ey'Endagaano ya Musengwa Katonda waimwe, kibenga eyo ng'obudhulizi obulumiriza abantu be.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”

Abalamuzi 20:27

Mu biseera ebyo, Esanduuku ey'Endagaano ya Katonda yabanga eyo e Betheli, era nga Finehasi mutabane wa Eleazari era mwidhukulu wa Aaroni, n'agirabirira. Abaisiraeli baabuuza Musengwa Katonda bati: “Twiremu kabiri okulwanisa baganda baife Ababenjamini, oba tubiveeku?” Musengwa Katonda yairamu ati: “Muje mulwane, kuba olwaidho ndidha kubagha Ababenjamini abo mubaghangule.”

1 Samueli 25:44

Mu kiseera ekyo, Saulo yali amaze okutoola mughala we Mikali, eyali muka Daudi, yaamugabira Palati mutabane wa Laishi ow'e Gallimu.

1 Samueli 4:3

Abalwani Abaisiraeli abaawonagho bwe baira ghe baasimba weema dhaibwe, abakulu baibwe beebuuzagania bati: “Olwaleero lwaki Musengwa Katonda atughaireyo Abafilisiti ni batughangula obwaga agho? Ka tuje tuleete Esanduuku ey'Endagaano ya Musengwa Katonda okuva e Shilo, Musengwa Katonda aidhe abe ghalala n'ife, atuwonie abazigu baife.”