1 Ebyomubyanda 15:26 - Baibuli Ekibono kya Katonda 2014

²⁶ Baaghaayo omusengo ogw'ente enume musanvu n'entaama enume musanvu eri Katonda, kuba yasobozesa Abalevi okubbeeda Sanduuku y'Endagaano.

1 Ebyomubyanda 15:26 ပူးပေါင်းရင်းမြစ်များ

2 Samueli 6:13

Abaabbeeda Esanduuku ya Musengwa Katonda bwe baali baakatambulaku ebigere omukaaga, Daudi yaatoola ente endaagho n'ente entototo empiite, yaabighaayo ng'omusengo eri Musengwa Katonda.

1 Ebyomubyanda 29:14

“Aye nze n'abantu bange katyo niife baani, twena okukoba tuti tughanga okukugha iwe ekintu kyonakyona nga twenda? Byonabyona niiwe obitugha, era ku bibyo by'otugha kwe tutoire okukutonera.

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Ezekieli 45:23

Buli lunaku okumala enaku omusanvu edh'ekibinuko, aidha kutangagho ente enume musanvu entototo n'entaama enume musanvu nga dhiziraku kikyamu kyonakyona, dhibenga ekigheebwayo ekyokebwa. Era buli lunaku aidha kutangagho n'embuzi enume ndala, ebenga ekigheebwayo olw'ebibi.

Okubala 23:29

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

Okubala 29:32

“Ku lunaku olwomusanvu mwidha kughangayo ekigheebwayo ekyokebwa ekiri n'akawoowo akansangaaza nze Musengwa Katonda, nga kirimu bino: ente enume musanvu, entaama enume enkulu ibiri, n'entaama ento enume ikumi na ina edh'omwaka omulala omulala, nga dhiziraku kikyamu kyonakyona.

Ebikolwa by'Abatume 26:22

Aye Katonda ankuumye okutuusa n'olwaleero, era nhemereire nga nkobera abakulu n'abato, ebyo byene abalanzi ni Musa bye baakoba bati bija kubaagho.

2 Ab'e Korintho 2:16

Eri abo ab'okuzikirira tuli kivundu ekiita, aye eri abo ab'okulokolebwa tuli kawoowo akaleeta obulamu. Kale naani asobola omulimo oti ni guno?

2 Ab'e Korintho 3:5

Ife ku bwaife tuzira bughanzi butusobozesa kukola kintu kyonakyona, obughanzi bwaife buva wa Katonda.

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”