1 Ebyomubyanda 15:2 - Baibuli Ekibono kya Katonda 2014

² Agho Daudi yaakoba ati: “Ghazira bantu bandi banaabbeeda Sanduuku ya Katonda okutoolaku Abalevi, kuba Musengwa Katonda abo be yalonda okugibbeedanga n'okugirabiriranga enaku dhoonadhoona.”

1 Ebyomubyanda 15:2 ပူးပေါင်းရင်းမြစ်များ

2 Samueli 6:13

Abaabbeeda Esanduuku ya Musengwa Katonda bwe baali baakatambulaku ebigere omukaaga, Daudi yaatoola ente endaagho n'ente entototo empiite, yaabighaayo ng'omusengo eri Musengwa Katonda.

2 Ebyomubyanda 35:3

Yaakoba Abalevi abaayegeresanga abantu mu Isiraeli mwonamwona era abaalinga abatukuvu eri Musengwa Katonda, ati: “Mute Esanduuku entukuvu ey'Endagaano mu isinzizo, Solomoni mutabane wa kyabazinga Daudi owa Isiraeli lye yazimba. Tikikaabeetaagisa kugibbeederanga ku mabega gaimwe. Mpegaano mugheereze Musengwa Katonda waimwe n'abantu be Abaisiraeli.

Okuvaayo 25:14

Mute emiti egyo mu mikonda gire emyekulungirivu egiri ku mbali ni ku mbali okw'esanduuku, gibe egy'okubbeedesanga sanduuku eyo.

Isaia 66:21

Abandi ku abo ndibafuula bakabona na Balevi. Nze Musengwa Katonda, ninze nkobye.

Okubala 3:6

“Yeta ekika eky'Abalevi, obateegho bagheerezenga kabona Aaroni.

Okubala 3:9

Mu Baisiraeli boonaboona oidha kutoolamu Abalevi obaghe Aaroni ni batabane be, babeere irala babe.

Okubala 7:9

Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Amateeka Agokubiri 31:9

Agho Musa yaaghandiika Amateeka ago, yaagagemya bakabona Abalevi abaabbeedanga Esanduuku ey'Endagaano ya Musengwa Katonda. Era yaagagemya n'abakulembeze boonaboona aba Isiraeli.

Yoshua 3:3

“Bwe mubona bakabona nga babbeeda Esanduuku y'Endagaano ya Musengwa Katonda waimwe, musansula weema dhaimwe mwaginonereza.

Yoshua 6:6

Yoshua yaayeta bakabona yaabakoba ati: “Mubbeede Sanduuku y'Endagaano, era abantu musanvu ku imwe, buli muntu ageme endeka eyakolebwa mu iyiga ery'entaama, bakulemberemu Sanduuku y'Endagaano eyo.”