1 Ebyomubyanda 15:19 - Baibuli Ekibono kya Katonda 2014

¹⁹ Baataagho abembi bano: Hemani, Asafu, ni Ethani, okukuba ebide eby'ekyuma eky'ekikomo.

1 Ebyomubyanda 15:19 ပူးပေါင်းရင်းမြစ်များ

1 Bakyabazinga 4:31

Solomoni n'eyali asinga abantu boonaboona amagezi. Yasinga Ethani Omuezera, yaasinga ni Hemani, ni Kalukoli, ni Darida, abo nga batabane ba Maholi. Era yaamanhikana mu maghanga goonagoona ageezungulwire agho.

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 15:18

Era baataagho Balevi banaibwe okwiririra abo, nga n'ab'okubabeeraku: Zekaria, Yaazieli, Shemiramothi, Yehieli, Unni, Eliabu, Benaia, Maaseia, Mattithia, Elifelehu, ni Mikaneia ghalala ni Obededomu, ni Yeiyeli, abakuumi b'emiryango.

1 Ebyomubyanda 15:20

Ate baataagho ab'okukuba entongooli edhivuga mu maloboozi aga ghaigulu, nga ni bano: Zekaria, Azieli, Shemiramothi, Yehieli, Unni, Eliabu, Maaseia, ni Benaia.

1 Ebyomubyanda 16:42

Hemani ni Yeduthuni era n'abaakuumanga amagwala, n'ebide, n'ebivuga ebindi byonabyona bye baakubanga okwembera Katonda. Ate batabane ba Yeduthuni yaabata ku gw'okukuumanga emiryango.

1 Ebyomubyanda 16:5

Asafu ye baataagho okuba omukulu, Zekaria nga n'amwiririra. Ate bano baabataagho okukubanga entongooli n'endingidi: Yeiyeli, Shemiramothi, Yehieli, Mattithia, Eliabu, Benaia, Obededomu, ni Yeiyeli owundi. Asafu n'eyakubanga ebide,

1 Ebyomubyanda 25:1

Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

1 Ebyomubyanda 25:6

era n'eyakulemberanga batabane abo mu nhembo edh'omu isinzizo lya Musengwa Katonda, nga bakubiraku ebide, endingidi n'entongooli. Asafu, Yeduthuni, ni Hemani, baakolanga nga kyabazinga bwe yabalagiranga.

2 Ebyomubyanda 20:19

Abalevi abasimuka mu Kohathi ni mu Kora, baayemerera, baasaaka Musengwa Katonda, Katonda wa Isiraeli mu mamiro ag'amaani einho.

2 Ebyomubyanda 7:6

Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

Zabbuli 150:5

Mumusaake nga mukuba obude obutono, mumusaake nga mukuba ebide ebinene.

Zabbuli 81:3

Mufuuwe eigwala ku Kibinuko eky'Okuboneka kw'Omwezi, ni ku lunaku lwe gutyaime ku ntebe.