1 Ebyomubyanda 15:15 - Baibuli Ekibono kya Katonda 2014

¹⁵ Baagibbeedera ku mabega gaibwe n'emiti egy'okugibbeedesa, nga Musengwa Katonda bwe yalagira ng'abita mu Musa.

1 Ebyomubyanda 15:15 ပူးပေါင်းရင်းမြစ်များ

2 Samueli 6:12

Agho baakobera kyabazinga Daudi bati: “Musengwa Katonda yagha ab'endhu ya Obedi Edomu ni by'ali nabyo byonabyona enkabi, olw'Esanduuku ya Katonda.” Kale Daudi yaaja yaatoolayo Esanduuku ya Katonda mu ndhu ya Obedi Edomu, yaagitwala mu kibuga kye ekyetebwa ekya Daudi, n'okusagamba okw'amaani.

2 Samueli 6:13

Abaabbeeda Esanduuku ya Musengwa Katonda bwe baali baakatambulaku ebigere omukaaga, Daudi yaatoola ente endaagho n'ente entototo empiite, yaabighaayo ng'omusengo eri Musengwa Katonda.

1 Bakyabazinga 8:8

Emiti egyo gyali mireeyi inho, ng'omuntu ali mu isinzizo ng'ali mu maiso g'Ekifo Ekitukuvu aghanga okubona enkomerero yagyo, aye ng'ole ali kuliya taghanga kugibona. Emiti egyo gikaaliyo ni ye buli eno.

1 Ebyomubyanda 13:10

Agho Musengwa Katonda yaamutumbukizaaku obusungu bwe ng'oti muliro, yaamwitiragho olw'okwetulinkiriza n'agema ku Sanduuku eyo. Uzza oyo yaafiira agho mu maiso ga Katonda.

2 Ebyomubyanda 5:9

Emiti egyo gyali mireeyi inho, ng'omuntu ali mu isinzizo ng'ali mu maiso g'Ekifo Ekitukuvu aghanga okubona enkomerero yagyo, aye ng'ole ali kuliya taghanga kugibona. Emiti egyo gikaaliyo ni ye buli eno.

Okuvaayo 40:20

Yaatoola ebibaadho eby'amabaale ebyaliku amateeka yaabita mu Sanduuku ey'Endagaano. Esanduuku eyo yaagitaaku emiti egy'okugibbeedesa n'ekisandikiza.

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 7:9

Aye abo abasimuka mu Kohathi Musa ti yabagha bigaali waire okubagha ente, kuba ebintu ebitukuvu bye baagheebwa okulabiriranga, byali nga biri na kubbeedebwa ku mabega gaibwe.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.