1 Ebyomubyanda 14:15 - Baibuli Ekibono kya Katonda 2014

¹⁵ Bw'onaawulira empindo edh'abali kukumba, nga dhiviira ghaigulu ku miti emibalisamu egyo, ng'olwo obalumba. Olwo nze Katonda naaba nkwesooseeyo emberi okughangula eigye ery'Abafilisiti eryo.”

1 Ebyomubyanda 14:15 ပူးပေါင်းရင်းမြစ်များ

2 Samueli 5:23

Era Daudi bwe yeebuuza ku Musengwa Katonda. Musengwa Katonda yamwiramu ati: “Otabalumba ng'ova ghano, aye weetooloole obave e mugongo, obalumbire kumpi n'emiti emibalisamu.

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

1 Ebyomubyanda 14:14

Era Daudi yeebuuza ku Katonda. Katonda yaamwiramu ati: “Otabalumba ng'ova ghano, aye weetooloole, obalumbire emberi w'emiti emibalisamu.

1 Ebyomubyanda 14:16

Daudi yaakola nga Musengwa Katonda bwe yamulagira, yaaja ng'aita Abafilisiti okuva e Geba okutuuka e Gezeri.

Isaia 13:4

Muwulire akasasamalo akali ku lusozi ng'oti n'amamiro ag'olukunkumuli lw'abantu. Muwulire okwasiikana okw'obwakyabazinga, okwasiikana okw'amaghanga agali kwesoloza. Musengwa Katonda Afuga Amagye ali kusoloza eigye okulwana olutalo.

Abalevi 26:36

“Abo ku imwe abanaabanga nga batwaliibwa mu bunhage mu nsi y'abazigu baimwe, nnaabaleetangamu okutya, nga n'eikaba obukaba erifuuyibwa empewo bwe baliwulira balumuka. Banaalumukanga ng'oti ni be bali kubingirira mu lutalo, era banaagwanga nga ghazira n'ali kubabinga.

Ebikolwa by'Abatume 2:2

Mu kiseera ekyo kyene, ghaabaagho okuwuuma okuva mu igulu nga kuli ng'oti kwa kiwunga ow'amaani, era kwaidhuza endhu yoonayoona mwe baali batyaime.

Amateeka Agokubiri 20:4

Kuba Musengwa Katonda waimwe aidha kuja n'imwe, abalwaniregho era abaleetere okughangula.’

Abalamuzi 4:14

Debora yaakoba Baraki ati: “Situkiramu, oje. Musengwa Katonda akukulembeiremu. Olwaleero akughaire okughangula Sisera.” Agho Baraki yaaserengeta olusozi Tabori, ghalala n'abasaadha be omutwalo omulala.

Abalamuzi 7:15

Gideoni bwe yawulira ekirooto ky'omusaadha oyo n'amakulu gaakyo, yaasinza Katonda. Era yairayo ku weema dh'Abaisiraeli, yaabakoba ati: “Musituke! Musengwa Katonda abaghaire okughangula eigye ly'e Midia.”

Abalamuzi 7:9

Mu bwire obwo, Musengwa Katonda yaakoba Gideoni ati: “Situka, oje olumbe Abamidia mu weema dhaibwe mbakughaire obaghangule.