1 Ebyomubyanda 12:40 - Baibuli Ekibono kya Katonda 2014

⁴⁰ Abantu baaviira irala ghala mu bika: ekya Issakari, n'ekya Zebuluni, n'ekya Nafutali, baaleetera emere ku ndogoyi, ni ku ngamiya, ni ku nhumbu ni ku nte, nga n'omuli: obuwunga obuseereibwa obukalamu, ebitole eby'ebibala ebikalu eby'emitiini, obufaaganda obw'emizabbibu emikalu, omwenge ogw'emizabbibu, n'omuzigo ogw'ebibala eby'emiti emyoliva. Baaleeta n'ente, n'entaama kamaala edh'okwita okulya, kuba mu Isiraeli mwonamwona mwalimu eisanhu.

1 Ebyomubyanda 12:40 ပူးပေါင်းရင်းမြစ်များ

2 Samueli 16:1

Kyabazinga Daudi bweyali ng'amaze okubitaku akabanga katono ku mutwe gw'olusozi, yayagaanana ni Ziba omugheereza wa Mefiboshethi. Yali n'endogoyi ibiri edhiriku ebintu ebityamibwaku, nga dheetwise emigaati ebikumi bibiri, n'obufaaganda kikumi obw'emizabbibu emikaze, n'ebifaaganda kikumi eby'ebibala ebisookereza okwenga, n'ensagho ey'oluwu ey'omwenge ogw'emizabbibu.

1 Bakyabazinga 1:40

Agho abantu boonaboona baaja nga bamunonereza nga bafuuwa endere, era nga basagambya n'eisanhu lingi inho, n'eitaka kumpi lyeyatiseemu olw'okuwowoigana kwaibwe.

2 Bakyabazinga 11:20

Agho abantu boonaboona baasagamba, ekibuga kyatereera, nga bamaze okwitira Athalia mu kisaagaati kya kyabazinga.

1 Ebyomubyanda 12:39

Baamalayo enaku isatu nga bali eyo ni Daudi, nga bali kulya era nga bali kunhwa ebyo ab'eighanga lyaibwe bye baabategekera.

1 Ebyomubyanda 13:1

Agho kyabazinga Daudi yeebuuza ku bakulu boonaboona abaduumira ebikunsu by'abalwani olukumi olukumi, n'abaduumira ebikunsu by'abalwani ekikumi ekikumi, n'abakulembeze abandi boonaboona.

1 Ebyomubyanda 29:22

Ku lunaku olwo baaliira era baanhwera mu maiso ga Musengwa Katonda, nga basagamba ebitaloodheka. Agho bairamu okulangirira Solomoni mutabane wa Daudi okuba kyabazinga, baamusiiga omuzigo abafugenga mu liina lya Musengwa Katonda, ni Zadoki abenga kabona.

Ensambo 11:10

Abantu ab'ekibuga basagamba ng'ebintu biri kujiira abatuufu bukalamu, era bakuba emizira ng'ababi bazikiriire.

Ensambo 29:2

Abatuufu bwe bafuuka abafuzi, abantu basagamba; aye ababi bwe baba mu bufuzi abantu baba mu bulumi.

Hosea 3:1

Agho Musengwa Katonda yankoba ati: “Ja kabiri ogonze omukazi omwenzi ali n'omusaadha owundi y'ayenda. Omugonze nga nze Musengwa Katonda bwengonza Abaisiraeli, waire nga bakyuka baasinza bakatonda abandi era baasanhukira inho okughaayo emizabbibu egikaziibwa ng'ebigheebwayo eri bakatonda abo.”

1 Samueli 25:18

Agho Abigaili yaayangugha, yaatoola emigaati ebikumi bibiri, n'ensawo ibiri edh'amawu edhirimu omwenge ogw'emizabbibu, n'entaama itaanu enfumbire irala, n'ebiibo bitaanu eby'emere ey'empeke enkalange, n'obufaaganda kikumi obw'emizabbibu emikaze, n'ebitole ebikumi bibiri eby'ebibala eby'emiti emitiini ebikaziibwa. Ebyo byonabyona yaabitwika ku ndogoyi.