1 Ebyomubyanda 12:28 - Baibuli Ekibono kya Katonda 2014

²⁸ Abaidha ni Zadoki omwisuka omulwani ow'amaani aziramu ntete, nga bava mu b'endhu ya lata we, baali abakungu amakumi abiri na babiri (22).

1 Ebyomubyanda 12:28 ပူးပေါင်းရင်းမြစ်များ

2 Samueli 8:17

Zadoki mutabane wa Ahitubu ni Ahimeleki mutabane wa Abiathari, baaba bakabona. Seraia yaaba mughandiisi.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Bakyabazinga 2:35

Agho kyabazinga yaataagho Benaia mutabane wa Yehoiada okuba omuduumizi ow'eigye mu kifo kya Yoabu. Era kyabazinga yaataagho Zadoki kabona mu kifo kya Abiathari.

1 Ebyomubyanda 11:22

Benaia ow'e Kabuzeeli era mutabane wa Yehoiada, yali mulwani wa ntalo aziramu ntete. Yakola eby'amaani kamaala, nga n'omuli n'okwita abalwani ab'amaani ababiri Abamoabu. Olundi yaita empologoma ng'eri mu kiina, mu biseera eby'omugozi nga gugwire.

1 Ebyomubyanda 11:24

Ebyo n'eby'amaani Benaia mutabane wa Yehoiada bye yakola, ni yeekolera eriina mu abo amakumi asatu ab'amaani.

1 Ebyomubyanda 12:27

Abaidha nga bakulembeirwa Yehoiada mwidhukulu wa Aaroni, baali enkumi isatu na lusanvu (3,700).

1 Ebyomubyanda 15:11

Agho Daudi yaayeta bakabona Zadoki, ni Abiathari, ghalala n'Abalevi bale omukaaga: Urieli, Asaia, Yoeli, Shemaia, Elieli, ni Amminadabu.

1 Ebyomubyanda 27:5

Benaia mutabane wa Yehoiada kabona n'eyakuliranga ekikunsu eky'omu lugobo olw'omu mwezi ogwokusatu, lwona nga lwalimu abantu emitwalo ebiri n'enkumi ina (24,000).

1 Ebyomubyanda 6:53

yaazaala Zadoki, Zadoki yaazaala Ahimaazi.

1 Ebyomubyanda 6:8

Ahitubu yaazaala Zadoki, Zadoki yaazaala Ahimaazi,

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.