1 Ebyomubyanda 1:32 - Baibuli Ekibono kya Katonda 2014

³² Aburahamu yali n'omukazi ow'embali ng'ayetebwa Ketura, ye yazaalamu abaana bano: Zimurani, Yokoshani, Medani, Midiani, Ishibaki, ni Shua. Yokoshani yaazaala Sheba, ni Dedani.

1 Ebyomubyanda 1:32 ပူးပေါင်းရင်းမြစ်များ

Amainhama 37:28

Kale abasuubuzi bwe baali babitagho, baamughaluzaayo, baamutoola mu kiina, baamuguza abasuubuzi abo ebitundu amakumi abiri ebya feeza. Abasuubuzi abo baatwala Yosefu mu Misiri.

1 Bakyabazinga 10:1

Agho kyabazinga omukazi ow'e Sheba bwe yawulira obumanhifu bwa Solomoni obwamugheebwa Musengwa Katonda, yaidha n'ebibuuzo ebikalangafu okumuleba.

1 Ebyomubyanda 1:31

Yeturi, Nafishi, ni Kedema. Abo n'abaana ba Ishimaeli.

1 Ebyomubyanda 1:33

Midiani yaazaala Efa, Eferi, Hanoka, Abida, ni Eluda. Abo boonaboona baali baidhukulu ba Ketura.

Yobu 6:19

Ababise ab'e Tema baagala obwiga obwo n'abatambuze ab'e Sheba baata eisubi mu bwiga obwo.

Zabbuli 72:10

Bakyabazinga ab'e Tarushishi n'ab'omu bizinga bamutonere ebirabo; ni bakyabazinga ow'e Sheba n'ow'e Seba, boona bamughe ebirabo.

Zabbuli 72:15

Aghangaale! Abantu ab'omu Sheba bamughenga zaabu; abantu bamusabirenga era bamwendezenga enkabi buliidho omusana n'obwire.

Isaia 21:13

Buno n'obukwenda obugema ku Buwarabu: Imwe abatambuze Abadedani mwidha kusulanga mu bisaka mu Buwarabu,

Isaia 60:6

Engamiya olukunkumuli dhiriidhula mu iwe nga dhiva mu Midia ni mu Efa, era dhaava ni mu Sheba, nga dhiri kuleeta zaabu n'obubbaani. Abantu balirangirira ebirungi Musengwa Katonda by'akoze.

Yeremia 25:23

bakyabazinga b'ebibuga Dedani, ni Tema, ni Buza, n'abantu boonaboona abaasalanga ku nviiri dhaibwe

Yeremia 49:8

Imwe abantu ab'e Dedani, mukyuke mulumuke, muje mwegise! Nja kuzikiriza baidhukulu ba Esau, kuba ekiseera kituuse eky'okubabonereza.

Ezekieli 25:13

nze Musengwa Katonda kyenva nkoba nti, ndigolola omukono gwange naabonereza ensi Edomu eyo naagimalamu abantu n'ensolo, era nagyonoonayonoona. Abantu baamu balibaitira mu lutalo, okuva e Temani okutuukira irala e Dedani.

Ezekieli 27:20

Ab'e Dedani baasuubulagananga n'iwe nga bakuleetera engoye dhe bakolamu ebintu ebityamibwaku ku migongo egy'ensolo dhe bavuga.

Okubala 25:6

Mu kiseera ekyo, ng'Abaisiraeli bakaali agho ku mulyango ogw'Eweema ey'Okwagaananirangamu ni Musengwa Katonda, nga bali kulira, ghaabaagho Omuisiraeli eyaleeta omukazi Omumidia mu ndhu ye, nga Musa n'abantu abandi boonaboona babona.

Okubala 31:2

“Mubonereze Abamidia nga mwesasuuza olw'ebyo bye baakola Abaisiraeli. Bw'onaamala okukola ekyo oidha kutwalibwa weeyimbe ku bantu bo abaafa.”