1 Bakyabazinga 9:9 - Baibuli Ekibono kya Katonda 2014

⁹ Olwo abantu baliirangamu bati, ‘Lwa kuba baava ku Musengwa Katonda waibwe, eyatoola badhaadha baibwe mu nsi Misiri, ate baira ku kugheereza n'okusinza bakatonda abandi. Musengwa Katonda kyaviire n'abatuusa ku kabi akaaga agho.’ ”

1 Bakyabazinga 9:9 ပူးပေါင်းရင်းမြစ်များ

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

2 Bakyabazinga 22:17

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

2 Ebyomubyanda 29:8

Musengwa Katonda kyeyava n'asungughalira ab'omu Buyudaaya n'ab'omu Yerusalemu, yaabatuusa ku buzibu obuleetera buli muntu okubeewuunhia n'okubeesiimooza, nga bwe mukyeboneraku beene n'amaiso gaimwe.

2 Ebyomubyanda 7:22

Olwo abantu baliirangamu bati, ‘Lwa kuba baava ku Musengwa Katonda waibwe, eyatoola badhaadha baibwe mu nsi Misiri, ate baira ku kugheereza n'okusinza bakatonda abandi. Musengwa Katonda kyaviire n'abatuusa ku kabi akaaga agho.’ ”

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 22:8

“Abantu kamaala abamaghanga agandi bwe balibitanga ku kibuga kino, balyebuuzanga bati, ‘Lwaki Musengwa Katonda yakola ekintu ng'oti n'ekyo ku kibuga kino ekikologho?’

Yeremia 44:23

Kano akabi akabatuuseeku mpegaano, kaligho lwa kuba mwaniokeza obubbaani bakatonda abandi, mwasungughaza Musengwa Katonda nga muloba okujiira ku mateeka ge ni ku biragiro bye byonabyona.”

Yeremia 5:19

Era iwe Yeremia, abantu bwebalibuuza bati, ‘Lwaki Musengwa Katonda waife yatuleetera bino byonabyona okututuukaku?’ Olibairamu oti, ‘Nga bwe mwamuvaaku ni musinza mu nsi yaimwe bakatonda ab'amaghanga agandi, mwidha kutwalibwa mugheereze abagwira mu nsi etali yaimwe.’ ”

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.