1 Bakyabazinga 9:8 - Baibuli Ekibono kya Katonda 2014

⁸ Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

1 Bakyabazinga 9:8 ပူးပေါင်းရင်းမြစ်များ

2 Bakyabazinga 22:17

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

2 Ebyomubyanda 29:8

Musengwa Katonda kyeyava n'asungughalira ab'omu Buyudaaya n'ab'omu Yerusalemu, yaabatuusa ku buzibu obuleetera buli muntu okubeewuunhia n'okubeesiimooza, nga bwe mukyeboneraku beene n'amaiso gaimwe.

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

2 Ebyomubyanda 7:21

Eisinzizo lino mpegaano lya kitiisa inho, aye mu biseera ebyo buli abaliribitangaku balyewuunhianga. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

Isaia 64:11

Eisinzizo lyo eitukuvu eriboneka obulungi, badhaadha baife mwe baakusaakiranga, lyayokebwa omuliro. N'ebifo byaife byonabyona ebisanhusa, byafuuka bifulukwafulukwa.

Yeremia 16:10

“Bw'onaakobera abantu ebintu ebyo byonabyona, baidha kukubuuza bati, ‘Lwaki Musengwa Katonda alangiriire akabi akanene katyo okututuukaku? Twiziiza musango ki? Era kibi ki kye tukoze eri Musengwa Katonda waife?’

Yeremia 18:16

Ensi yaibwe baagifuula ekintu ekitiisa einho, abantu kye baneesimoozanga buliidho. Buli muntu anaagibitangaku aidha kutengeesanga bwa mutwe olw'okutya okungi.

Yeremia 19:8

Ndizikiriza ekibuga kino mu nsambo etiisa einho, buli muntu yaakyesimoozanga bwesimooze. Era buli muntu anaabitangagho ensisi eidha kumugemanga olw'okuzikiriza okwo.

Yeremia 22:28

Agho naakoba nti: “Omusaadha ono Konia afuuse ng'oti nsugha eyamenheka ni bagisuula ere ng'eziraku agyenda? Eyo n'ensonga lwaki mwene n'abaana be baabingibwa baasuulibwa mu nsi ye bataidhi?”

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 44:8

Lwaki munsungughaza n'ebyo bye mukola, nga muniokeza obubbaani bakatonda ab'omu nsi Misiri ye mwaja okuba? Lwaki muli kukola ebyo okwereetera imwe beene okuzikirira, n'okuleetera abamaghanga agandi okuboogerangaku imwe nga babayeeyereza era nga bwebabakolimira?

Yeremia 49:17

Musengwa Katonda era yaakoba ati: “Edomu erifuuka ekintu ekitiisa einho, era buli muntu anaagibitangaku aidha kutengeesanga bwa mutwe olw'okutya okungi.

Yeremia 5:19

Era iwe Yeremia, abantu bwebalibuuza bati, ‘Lwaki Musengwa Katonda waife yatuleetera bino byonabyona okututuukaku?’ Olibairamu oti, ‘Nga bwe mwamuvaaku ni musinza mu nsi yaimwe bakatonda ab'amaghanga agandi, mwidha kutwalibwa mugheereze abagwira mu nsi etali yaimwe.’ ”

Yeremia 50:13

Olw'obusungu bwange, ezira muntu aliirayo kubanga mu nsi Babilonia, erisigala agho etyo ng'eri bifulukwa byereere. Abantu boonaboona abaligibitangamu baligyezindukanga era baatya einho olw'okuzikirizibwa kwayo.

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Danieli 9:12

Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Amateeka Agokubiri 28:37

Mu nsi Musengwa Katonda mw'anaabanga ng'abatwaire, abantu baayo bwe banaabonanga ebibatuuseeku, baidhanga kutya inho, olwo mufuuke eky'okwogerwaku era eky'okuyeeyereza.

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.