1 Bakyabazinga 9:7 - Baibuli Ekibono kya Katonda 2014

⁷ olwo nditoola Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu. Isiraeli erifuuka eky'okwogeraku era yaafuuka enseko dh'abalamu mu maghanga goonagoona.

1 Bakyabazinga 9:7 ပူးပေါင်းရင်းမြစ်များ

1 Bakyabazinga 11:10

n'amusikirira obutasinzanga misambwa, aye ate Solomoni n'aloba okujiira ku ebyo Musengwa Katonda oyo bye yamulagira.

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Bakyabazinga 25:21

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

2 Ebyomubyanda 7:20

olwo ndibinga Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu, naalifuula eky'okwogeraku era enseko dh'abalamu mu maghanga goonagoona.

Zabbuli 44:14

Otufiire ekibono eky'okudhondha mu bamaghanga agandi; baatukanta era baatwesiimooza.

Zabbuli 44:15

Nnhoomebwa olunaku lwonalwona, era tikaayala mu bantu,

Zabbuli 69:11

Bwe nvaala ekutiya olw'enaku, nfuuka kibono kya kudhondha.

Isaia 65:15

Abo be nalondamu balikozesanga eriina lyaimwe nga bakolima. Era imwe, nze Musengwa Katonda, ninze mwene ndibaita, aye abo abakola bye nhenda ndibatuuma eriina eiyaaka.

Yeremia 24:9

Ndidha kubafuula ekintu ekitiisa einho abantu boonaboona ku nsi, bafuuke eky'okwogerwaku era eky'okuyeeyereza. Baidha kubanga kivumo era kikolimo, eyo yoonayoona ye ndibasansaaniza.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 44:8

Lwaki munsungughaza n'ebyo bye mukola, nga muniokeza obubbaani bakatonda ab'omu nsi Misiri ye mwaja okuba? Lwaki muli kukola ebyo okwereetera imwe beene okuzikirira, n'okuleetera abamaghanga agandi okuboogerangaku imwe nga babayeeyereza era nga bwebabakolimira?

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 1:8

Abantu ab'omu Yerusalemu abo baayonoona inho mu maiso ga Katonda, baamufuukira ekyenhinhalwa. Abaabatangamu ekitiisa baatoolera okubanhooma nga bababona ng'oti n'omuntu ali amadu. Bwenebwene bali mu nnaku era beebwalabwala olw'ensoni.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 5:15

“Bwendibasalira omusango ni mbabonereza nga ndi mu busungu obubitirivu, olwo ab'amaghanga agabeezungulwire balitya inho. Mulifuuka kivumo era eky'okuyeeyereza ye bali, era mwafuuka akamanhiso ak'okubalabula. Nze Musengwa Katonda, ninze ndhogeire.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Matayo 23:38

Kale ni endhu yaimwe yaakulekebwa agho ebe kifulukwa,

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Amateeka Agokubiri 28:37

Mu nsi Musengwa Katonda mw'anaabanga ng'abatwaire, abantu baayo bwe banaabonanga ebibatuuseeku, baidhanga kutya inho, olwo mufuuke eky'okwogerwaku era eky'okuyeeyereza.

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.