1 Bakyabazinga 9:4 - Baibuli Ekibono kya Katonda 2014

⁴ Weena bw'onaajiiranga ku bye nkoba, n'oba omwesigwa era omwesimbu nga lata wo Daudi bwe yakolanga, n'ogonderanga biragiro byange era n'ogemanga amateeka gange,

1 Bakyabazinga 9:4 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 20:5

Aburahamu mwene ti n'eyankobye ati oyo mwanhina? Era ni Sara mwene yeena tiyankobye ati Aburahamu mwanhina? Ekyo nakikoze mu mwoyo mulungi era nziraku musango.”

2 Samueli 22:22

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

1 Bakyabazinga 11:6

Kale mu nsambo eyo Solomoni yaakola ekibi eri Musengwa Katonda, yaaloba kugumira ku Musengwa Katonda oyo, nga lata we Daudi bwe yamugumiraku.

1 Bakyabazinga 14:8

Natoola obwakyabazinga ku b'endhu ya Daudi, naabukugha iwe. Aye tobaire ng'oti n'omugheereza wange Daudi, eyagema ebiragiro byange, n'agumira ku nze n'omwoyo gwe gwonagwona, n'akolanga ebyo byonka ebituufu mu maiso gange.

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Bakyabazinga 3:14

Era bw'onaabanga omuwulize ye ndi, n'ogemanga amateeka gange n'ebiragiro byange byonabyona, nga lata wo Daudi bwe yakolanga, ndikugha obughanguzi.”

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

1 Bakyabazinga 6:12

“Kino kigema ku isinzizo lino ly'oli kuzimba: bw'onaajiiranga ku mateeka gange, n'ogonderanga ebiragiro byange, era n'ogemanga ebyo bye nkoba, ndituukiriza kye nasuubiza lata wo Daudi okumukolera.

1 Bakyabazinga 8:25

Wo Musengwa Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

2 Ebyomubyanda 17:4

Yaasinzanga Katonda owa lata we ng'agema ebiragiro bye, yaaloba kujiiranga ku ebyo abantu ab'omu Isiraeli bye baakolanga.

Zabbuli 101:2

Ndidha kwebisanga mu ngeri etandeetere kwogerwaku. Oliidhaku li ye mba? Ndidha kubanga mwesigwa okuviira irala mu ndhu yange.

Zabbuli 128:1

Wa nkabi oyo atya Musengwa Katonda, n'atambulira ku mateeka ge.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Zabbuli 26:11

Aye nze atambulira mu bwesigwa, nsaasira era onnunule.

Zabbuli 78:72

Era Daudi oyo yeeghaayo okubalabirira n'omwoyo mulala, ng'abafuga n'amagezi.

Ensambo 10:9

Abantu abeesimbu era abeesigwa baba n'emiraala, aye abaguya baja kuzuulibwa.

Ensambo 20:7

Abaana abasikira iseibwe omulungi era omwesigwa, baba ba nkabi.

Ensambo 28:18

Omuntu omwesigwa aidha kubanga bukalamu, aye atali mwesigwa aja kugwa mangu inho.

Ezekieli 18:9

Ajiira ku biragiro byange era n'akuuma amateeka gange. Oyo n'omuntu omutuufu era bwenebwene aliba mulamu.” Musengwa Katonda atyo bw'akobye.

Zekaria 3:7

Musengwa Katonda Afuga Amagye akobye ati: “Bw'onaagemanga amateeka gange era n'ojiiranga ku biragiro byange, oidha kusigala nga niiwe olabirira eisinzizo lyange ghalala n'empya dhaalyo. Era ndidha kukuganha okuseetanga ye ndi ng'oti ni bamalaika abo abali agho.

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Amateeka Agokubiri 28:1

Musa yaakoba Abaisiraeli ati: “Bwe muneekalangulanga okuwulira Musengwa Katonda waimwe, ni mugema ebiragiro bye byonabyona bye ndi kubagha olwaleero, era ni mubituukiriza, Musengwa Katonda waimwe alibafuula eighanga eikologho erisinga amaghanga agandi goonagoona agali ku nsi.