1 Bakyabazinga 9:16 - Baibuli Ekibono kya Katonda 2014

¹⁶ Kyabazinga w'e Misiri yali yalumba Gezeri ekyo yaakigema, yaakyokya omuliro, yaita Abakanaani abaakirimu, yaakigha mughala we ng'ekirabo, bwe yabayira Solomoni.

1 Bakyabazinga 9:16 ပူးပေါင်းရင်းမြစ်များ

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

1 Bakyabazinga 7:8

Endhu Solomoni mwene mwe yasulanga, yali mu luya lundi olwali emandhu w'Endhu eyo ey'Okulamuliramu. Enzimba yaayo yali n'endala n'ey'ebizimbe ebindi. Solomoni yaazimbira ni mukazi we, mughala wa kyabazinga w'e Misiri, endhu efaanana ng'oti n'eyo.

1 Bakyabazinga 9:24

Mughala wa kyabazinga w'e Misiri bwe yamala okuva mu kyetebwa Ekibuga kya Daudi n'aira mu kisaagaati ekikye ku bubwe Solomoni kye yamuzimbira, agho Solomoni yaazimba ekifo kye baidhuzaamu eitaka ekyetebwa Millo.

Yoshua 10:33

Horamu kyabazinga ow'e Gezeri yali aidhie okubeeraku abantu ab'e Lakishi, aye Yoshua yaamughangula ghalala n'eigye lye lyonalyona. Yaabaita, boonaboona okubazikiriza.

Yoshua 16:10

Aye tibaabingamu Bakanaani be baayagaana nga n'ababa mu Gezeri. Era ni ye buli eno Abakanaani baba ghalala n'Abaefuraimu aye nga baafuulibwa bairu abakola emirimo egy'olukako.