1 Bakyabazinga 9:15 - Baibuli Ekibono kya Katonda 2014

¹⁵ Bino n'ebintu kyabazinga Solomoni bye yakola ng'akozesa abantu be yakakanga obukake: Yazimba eisinzizo n'ekisaagaati kye eky'obwakyabazinga; yaazimba ekifo kye baidhuzaamu eitaka ekyetebwa Millo; yaazimba ekimante ku kibuga Yerusalemu okukyezunguluza; yaazimba n'ebibuga, Hazori, Megiddo ni Gezeri.

1 Bakyabazinga 9:15 ပူးပေါင်းရင်းမြစ်များ

2 Samueli 5:9

Agho Daudi yaaba mu kifo ekyo eky'okwewogomamu, yaakituuma eriina “Ekibuga kya Daudi.” Yaazimba ku kifo ekyo ekibuga okukyezunguluza, ng'aviira mu kifo kye baidhuzaamu eitaka olw'okwekuuma abazigu, ekyayetebwanga Millo, yaaja ng'aira munda.

1 Bakyabazinga 11:27

Ekyaviiraku Yeroboamu okudheema ni kino: Kyabazinga Solomoni yali ali kuzimba ekifo kye baidhuzaamu eitaka ekyetebwa Millo, era ng'ali kusemba mu bituli ebyali mu kimante ky'ekibuga ekyetebwa ekya Daudi lata we.

1 Bakyabazinga 12:4

“Lata wo Solomoni yatukaluubiriza inho ekibitiriire, yaatukozesa emirimo emikakali era emizito. Aye iwe tugondeze ku bulamu, otukendeereze ku buzito obwo, twidha kukugheerezanga.”

1 Bakyabazinga 3:1

Agho Solomoni yaaleetagho enkolagana ni kyabazinga w'e Misiri, ng'abayiza mughala wa kyabazinga oyo. Era Solomoni yaaleeta omughala oyo mu kyetebwa Ekibuga kya Daudi, okutuusa lwe yamala okwezimbira endhu n'ekisaagaati kyaku ekikye, n'eisinzizo lya Musengwa Katonda, n'ekimante okwezungulula ekibuga Yerusalemu.

1 Bakyabazinga 4:12

Baana mutabane wa Ahiludi yaalabirira ebibuga Taanaki ni Megiddo, ghalala n'ekiketezo kyonakyona eky'e Bethi Sheani ekiriiraine ekibuga Zarethani, eifo gh'ekibuga Yezireeli. Baana oyo era yaalabirira n'ekiketezo ekiva e Bethi Sheani okutuuka ku kibuga Abeli Mehola, n'okutuukira irala ku luuyi lule olw'ekibuga Yokimeamu.

1 Bakyabazinga 5:13

Agho kyabazinga Solomoni yaalagira baasoloza mu Isiraeli yoonayoona abasaadha emitwalo esatu (30,000) ab'okukolanga emirimo egy'olukako.

1 Bakyabazinga 6:38

Mu mwezi ogwomunaana ogwetebwa Buli, mu mwaka ogweikumi n'omulala ogw'obufuzi bwa Solomoni, eisinzizo eryo lyonalyona lyawa okuzimbibwa, ng'entegeka yaalyo bweyali. Solomoni lyamutwalira emyaka musanvu okulizimba.

1 Bakyabazinga 9:10

Agho emyaka amakumi abiri Solomoni gye yazimbiramu ebizimbe byombi, eisinzizo n'ekisaagaati kye eky'obwakyabazinga, bwe gyawaaku,

1 Bakyabazinga 9:21

Abaidhukulu b'abantu abo, Abaisiraeli be bataaghanga kuzikiriza, Solomoni be yakozesanga emirimo egy'olukako egy'obwiru. Era abo n'abakaagikola ni ye buli eno.

1 Bakyabazinga 9:24

Mughala wa kyabazinga w'e Misiri bwe yamala okuva mu kyetebwa Ekibuga kya Daudi n'aira mu kisaagaati ekikye ku bubwe Solomoni kye yamuzimbira, agho Solomoni yaazimba ekifo kye baidhuzaamu eitaka ekyetebwa Millo.

2 Bakyabazinga 12:20

Abakungu be baakola olukwe baamwitira mu ndhu ey'omu kifo ekyaidhuzibwamu eitaka ekyetebwa Millo, ku ngira eja e Silla.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 9:27

Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

1 Ebyomubyanda 20:4

Ebyo nga biwoire, ghaabaagho olutalo e Gezeri ghagati gh'Abaisiraeli n'Abafilisiti. Sibbekai ow'e Husha yaita Sippai, ow'oku lulyo olw'abantu abawaigufu. Abafilisiti baaghangulwa.

1 Ebyomubyanda 6:67

ebyalondebwa okulumukirangamu okwewonia, era nga ni bino: Shekemu, ghalala n'ebyayiro byakyo eby'oku nsozi dha Efuraimu; Gezeri, ghalala n'ebyayiro byakyo;

2 Ebyomubyanda 35:22

Aye era Yosia yaaloba kubivaaku naire, yaaloba kuwulirisa Katonda bye yayogera ng'abita mu Neko. Kale yeefuusafuusa era yaaja okulwana olutalo mu kiketezo eky'oku museetwe e Megiddo.

2 Ebyomubyanda 8:1

Agho emyaka amakumi abiri Solomoni gye yazimbiramu eisinzizo n'ekisaagaati kye eky'obwakyabazinga bwe gyawaaku,

Zabbuli 51:18

Wo Katonda waife, ba wa kisa okolere Sioni bulungi, ebimante bya Yerusalemu bizimbibwe buyaaka.

Zekaria 12:11

Mu kiseera ekyo, okulira mu Yerusalemu kuliba kwa maani ng'oti bwe baalira Hadadi Rimmoni mu kiketezo eky'oku museetwe e Megiddo.

Yoshua 10:33

Horamu kyabazinga ow'e Gezeri yali aidhie okubeeraku abantu ab'e Lakishi, aye Yoshua yaamughangula ghalala n'eigye lye lyonalyona. Yaabaita, boonaboona okubazikiriza.

Yoshua 11:1

Kyabazinga Yabini ow'e Hazori bwe yawulira ku bughanguzi obw'Abaisiraeli, yaagheereza obukwenda eri bakyabazinga abaali bamuliiraine. Bano baali: Yobabu kyabazinga ow'e Madoni, ni kyabazinga ow'e Shimuroni, ni kyabazinga ow'e Akishafu.

Yoshua 16:10

Aye tibaabingamu Bakanaani be baayagaana nga n'ababa mu Gezeri. Era ni ye buli eno Abakanaani baba ghalala n'Abaefuraimu aye nga baafuulibwa bairu abakola emirimo egy'olukako.

Yoshua 16:3

Agho yaaja ng'eyolekera e bugwandhuba, ng'ebita mu kiketezo eky'Abayafuleti, yaabita ghansi gh'olusozi Bethi Horoni. Era yaava agho yaabita e Gezeri yaatuuka ku Nhandha Eyaghagati.

Yoshua 17:11

Mu biketezo ebyezungulwire Issakari ni Ashera, Abamanasse baalimu n'ebibuga bino n'ebyalo byaku: Bethi Shani, Ibuleamu, Dora ekiri ku mbali okw'enhandha, Endori, Tanaka, Megiddo.

Yoshua 19:36

Adama, Rama, Hazori,

Yoshua 21:21

Baagheebwa ebibuga bina, nga ni bino: Shekemu, n'ebiketezo ebibyezungulwire omuli eisubi ery'okwayirangamu, nga kino kiba mu kiketezo eky'ensozi eky'Abaefuraimu, era nga n'ekindi ku bibuga ebyalondebwa okulumukirangamu ole aise omuntu nga tagendereire. Ebibuga ebindi byali nga ni bino: Gezeri,

Abalamuzi 1:29

Ab'ekika kya Efuraimu tibaabinga Bakanaani abaali mu kibuga Gezeri. Kale Abakanaani baasigala nga bakaali ghalala nabo.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

Abalamuzi 5:19

Bakyabazinga baidha baalwana, bakyabazinga ab'e Kanaani baalwanira e Tanaka ku maadhi g'e Megiddo, aye baaloba kufunayo munhago gwa mpiiya.

Abalamuzi 9:20

Aye oba nga ti bwekiri, omuliro ka guve mu Abimeleki gusaaniegho ab'omu Shekemu n'ab'e Bethimillo, era omuliro guve mu bantu ab'e Shekemu n'ab'e Bethimillo gusaaniegho Abimeleki.”

Abalamuzi 9:6

Abatyamye ab'e Shekemu n'ab'e Bethimillo boonaboona, beesoloza, baafuula Abimeleki kyabazinga, agho ghansi gh'omuti omukologho ogw'empagi e Shekemu.