1 Bakyabazinga 8:65 - Baibuli Ekibono kya Katonda 2014

⁶⁵ Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

1 Bakyabazinga 8:65 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

1 Bakyabazinga 3:15

Agho Solomoni yaasitukagho. Okuja okwetegereza ati nga kibaire kirooto. Yaaja e Yerusalemu, yaayemerera mu maiso g'Esanduuku y'Endagaano ya Musengwa Katonda, yaaghaayo ebigheebwayo ebyokebwa, n'ebigheebwayo olw'okutabagana. Era yaakolera abagheereza be boonaboona embaga.

1 Bakyabazinga 4:21

Solomoni yafuga obwakyabazinga obwali mu kiketezo ekiva ku mwiga Eufurate okutuuka ku nsi y'Abafilisiti, n'okutuuka ku nsalosalo ni Misiri. Abantu b'omu biketezo ebyo baamughanga empooza era baamugheerezanga ekiseera kyonakyona kye yamala nga mulamu.

1 Bakyabazinga 4:24

Solomoni yafuganga ekiketezo kyonakyona eky'e bugwandhuba bw'omwiga Eufurate, okuva ku Tifusha okutuuka e Gaza, ng'afuga bakyabazinga baamu boonaboona. Era yali mu miraala n'ebiketezo byonabyona ebyali bimwezungulwire.

1 Bakyabazinga 8:2

Kale abantu boonaboona beesoloza ewa kyabazinga Solomoni ku Kibinuko eky'Entindi, mu mwezi ogwomusanvu ogwetebwa Ethanimu.

1 Bakyabazinga 8:66

Ku lunaku olwomunaana, kyabazinga yaasiibula abantu okwirayo ewaibwe. Abantu baamusabira enkabi, bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi omugheereza we, n'abantu be Abaisiraeli.

2 Bakyabazinga 14:25

Yaghangula yaizaayo ensalosalo ya Isiraeli okuva aghaingirirwa e Hamathi okutuukira irala ku Nhandha Eyomuunhu, nga Musengwa Katonda, Katonda wa Isiraeli bwe yakoba ng'abita mu mugheereza we, omulanzi Yona mutabane wa Amittai ow'e Gathi Heferi.

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

2 Bakyabazinga 23:33

Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

1 Ebyomubyanda 1:16

n'Abaruvadi, n'Abazemari, n'Abahamathi.

1 Ebyomubyanda 13:5

Agho Daudi yaasoloza Abaisiraeli boonaboona, okuva e Shihori ku nsalosalo ni Misiri okutuuka aghaingirirwa e Hamathi, baje batooleyo Esanduuku y'Endagaano eya Katonda e Kiriathi Yearimu.

2 Ebyomubyanda 30:13

Agho abantu kamaala inho beesolokeza e Yerusalemu mu mwezi ogwokubiri, okukuza Ekibinuko eky'Emigaati Egitazimbulukusiibwa.

2 Ebyomubyanda 30:23

Agho boonaboona abaali beesoloiza, baasalagho okumala enaku edhindi musanvu nga bali kukuza ekibinuko ekyo. Kale baamala enaku edhindi musanvu nga bali kukikuza mu kusagamba.

Okuvaayo 23:31

Nja kutaagho ensalosalo yaimwe eve ku Nhandha Emyufu okutuuka ku nhandha ey'ab'e Filisitia era eve ku irungu etuuke ku mwiga Eufurate. Abantu abo ababa mu biketezo ebyo nja kubata mu ngalo dhaimwe, era mwidha kujanga nga mubabingagho nga bwe munaajanga nga museetayo.

Isaia 27:12

Ku lunaku olwo, Musengwa Katonda alisoloza abantu be Abaisiraeli, okuva ku mwiga Eufurate okutuuka ku kaiga ak'oku nsalosalo ni Misiri, ng'oti n'omuntu asensa engaano okuva mu biwusu.

Ezekieli 47:19

“Ku luuyi olw'omukono omusaadha olw'e buvandhuba, ensalosalo eriva e Tamari yaaja yaatuuka ku maadhi ag'e Meriba mu Kadeshi. Era erija nga yeeyongerayo, ng'enonereza akaiga ak'e Misiri okutuuka ku Nhandha Eyaghagati.

Amosi 6:14

Aye Musengwa Katonda Afuga Amagye akoba ati: “Imwe Abaisiraeli mubone eno, nja kubasindikaku eighanga libalumbe. Lirituntuza abantu okuviira irala ku mwiga Araba okutuuka ku Hamathi.”

Amosi 6:2

Muje mukyalireku ekibuga Kalune. Era mukyalireku ni Hamathi ekikologho, era mutuukeku ni mu ky'e Gathi eky'abafilisiti. Ebibuga ebyo n'ebisinga obwakyabazinga bwa Isiraeli n'obwa Yuda mu bulungi n'obugazi?

Okubala 34:5

Ensalosalo eyo eidha kukyukanga okuva mu Azimoni, esimbire ku kaiga ak'e Misiri, era ekomenga ku Nhandha Eyaghagati.

Okubala 34:8

Bw'enaavanga ku lusozi Hori eidha kujanga etuuke aghaingirirwa e Hamathi okukoma e Zedadi,

Yoshua 13:3

Ekiketezo kino, kiva ku mwiga Shihori, oguli e buvandhuba wa Misiri okwira ku luuyi olw'omukono omugooda olw'e buvandhuba, okutuuka ku nsalosalo ni Ekuroni. Era kitwalibwa ng'eky'Abakanaani, era nga kirimu abafuzi bataanu ow'e Gaza, ow'e Ashidodi, ow'e Ashikeloni, ow'e Gathi n'ow'e Ekuroni. Ekiketezo ekindi n'eky'e Avvimu

Yoshua 13:5

Ghaligho ekiketezo eky'Abagebali n'eky'e Lebanoni kyonakyona ekiri e buvandhuba ow'e Baalagada nga kiva ku luuyi olw'omukono omusaadha ogw'olusozi Herimoni ku ngira eja e Hamathi.

Yoshua 15:1

Ekiketezo eky'ab'ekika kya Yuda kye baafuna nga kija kyatuuka ku irungu lya Zini ghe likoma, ku luuyi olw'omukono omusaadha olw'e buvandhuba, aghali ensalosalo ni Edomu.

Yoshua 15:4

Nga bw'etuuka Azimoni enonereza omwiga oguli ku nsalosalo ni Misiri, yaatuuka ku Nhandha Eyaghagati yaakoma agho. Eyo n'eyali ensalosalo ya Yuda ku luuyi olw'omukono omusaadha olw'e buvandhuba.

Yoshua 19:35

Ebibuga ebyezungulwirwa ebimante ebigumu byali nga ni bino: Ziddimu, Zeri, Hamathi, Rakkathi, Kinnerethi,

Abalamuzi 3:3

Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.