1 Bakyabazinga 8:63 - Baibuli Ekibono kya Katonda 2014

⁶³ Solomoni yaghaayo ente emitwalo ebiri n'enkumi ibiri (22,000) n'entaama emitwalo ikumi n'ebiri (120,000) ng'ekigheebwayo olw'okutabagana. Kale atyo kyabazinga Solomoni n'Abaisiraeli baaghaayo eisinzizo okuba erya Musengwa Katonda.

1 Bakyabazinga 8:63 ပူးပေါင်းရင်းမြစ်များ

1 Ebyomubyanda 29:21

Baaghaayo emisengo eri Musengwa Katonda, era ku lunaku olwairirira baaghaayo emisengo egyokebwa gyonagyona okuwaagho: ente enume lukumi (1,000), n'entaama enume lukumi (1,000), n'entaama ento lukumi (1,000), n'ebigheebwayo eby'okunhwa ebijiiraku, n'emisengo egindi kamaala, gye baaghaayo ku lwa Isiraeli yoonayoona.

2 Ebyomubyanda 15:11

Baaghaayo emisengo eri Musengwa Katonda ku lunaku olwo, gino: ente enume lusanvu (700), n'entaama kasanvu (7,000), nga batoola ku munhago gwe baaleeta.

2 Ebyomubyanda 2:4

Bona, ndi kutegeka okuzimbira Musengwa Katonda wange eisinzizo, okumugheesa ekitiisa. Ndidha kughaayo eisinzizo eryo libe lya Musengwa Katonda oyo olw'okumuniokezangamu obubbaani obuwunha akawoowo, n'okumuteerangamu emigaati egigheereibwayo y'ali, n'okumugheerangamu ebigheebwayo eby'enkyo n'eigulo ebya buli lunaku, n'eby'oku Sabbato, n'eby'oku mbaga edh'Ebibinuko eby'Okuboneka kw'Omwezi, n'eby'oku mbaga edh'ebibinuko ebindi ebyateebwagho, nga Musengwa Katonda waife oyo bwe yalagira Abaisiraeli okukolanga olubeerera.

2 Ebyomubyanda 30:24

Kyabazinga Hezekia owa Buyudaaya yaagha abantu abo boonaboona ente enume lukumi (1,000) n'entaama kasanvu (7,000), edh'okughaayo ng'ebigheebwayo. N'abakungu ba kyabazinga boona baagha abantu abo ente enume lukumi (1,000) n'entaama omutwalo mulala (10,000). Era bakabona bangi inho beetukuza.

2 Ebyomubyanda 7:4

Agho kyabazinga n'abantu boonaboona, baaghaayo emisengo ye Musengwa Katonda.

2 Ebyomubyanda 7:5

Kyabazinga Solomoni yaaghaayo ente emitwalo ebiri n'enkumi ibiri (22,000), n'entaama emitwalo ikumi n'ebiri (120,000) ng'emisengo. Kale atyo kyabazinga Solomoni n'abantu boonaboona baatukuza eisinzizo okulighaayo libe erya Katonda.

Ezera 6:15

Kale eisinzizo eryo lyawa okuzimba ku lunaku olwokusatu olw'omwezi ogwetebwa Adari, nga kyabazinga Dario ali kufuga omwaka gwe ogwomukaaga.

Nehemia 12:27

Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Zabbuli 30:1

Wo Musengwa Katonda, ndidha kukusaakanga buliidho, kuba wamponia, waalobera abazigu bange okuneeyagaliraku.

Ezekieli 36:38

Ebibuga ebyayonoonebwa biriidhula abantu, ng'oti ni Yerusalemu bwe kyaidhulanga entaama edh'okughaayo ng'emisengo ku mbaga edh'ebibinuko ebyalagirwa. Olwo balimanha nga ninze Musengwa Katonda.”

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”

Mika 6:7

Musengwa Katonda anansiima bwemmuleetera enkumi n'enkumi edh'entaama enume oba omuzigo ogukuuluula ng'oti miiga? Oba mpeeyo omwana wange omuberi olw'ebibi byange?

Yoanne 10:22

Ekibinuko eky'Okwidhukira Okutukuza Eisinzizo mu Yerusalemu bwe kyatuuka, ebiseera byali bya kiinhogogo.