1 Bakyabazinga 8:6 - Baibuli Ekibono kya Katonda 2014

⁶ Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

1 Bakyabazinga 8:6 ပူးပေါင်းရင်းမြစ်များ

2 Samueli 6:17

Baaleeta Esanduuku ya Musengwa Katonda baagita mu kifo kyayo, mu Weema Daudi ye yagisimbiragho. Daudi yaaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

2 Samueli 6:2

Yaakulembera abantu boonaboona be yali nabo, baaja e Baale eky'omu kiketezo kya Yuda, okutoolayo Esanduuku ey'Endagaano ya Katonda eyetebwa eriina lya Musengwa Katonda Afuga Amagye, oyo atyama ku kityamo kye eky'obwakyabazinga ekiri ku bitonde ebiri n'amaghagha ebyetebwa kerubi.

1 Bakyabazinga 6:16

Einhuma munda mu isinzizo, yaazimbayo ekisenge eky'embaawo edh'emivule nga dhiva ghansi dhaatuuka ku lubani. Mu nsambo eyo yaayawula ku isinzizo ekifo kya mita mwenda, ekyo nga n'Ekifo Ekitukuvu Einho.

1 Bakyabazinga 6:19

Munda mu isinzizo omwo, yaategekamu aghantu agheetebwa Ekifo Ekitukuvu, okutangamu Esanduuku ey'Endagaano ya Musengwa Katonda.

1 Bakyabazinga 6:27

Bikerubi ebyo yaabita ghagati mu Kifo Ekitukuvu Einho. Amaghagha gaabyo gaakolebwa nga mandhuluze, ng'eighagha ery'ekindi lituuka ku kimante eky'oluuyi olundi, n'ery'ekindi lyatuuka ku kimante eky'oluuyi olundi. Ate amaghagha gaabyo agandi nga gagemaganira ghagati gh'Ekifo Ekitukuvu Einho.

1 Bakyabazinga 8:3

Abakulu ab'ebika ab'omu Isiraeli boonaboona bwe baidha, bakabona baabbeeda Esanduuku ey'Endagaano,

1 Bakyabazinga 8:4

baagitwala mu isinzizo. Era bakabona abo nga bali ghalala n'Abalevi, baatwala n'Eweema ey'Okwagaananirangamu ni Musengwa Katonda, ghalala n'ebintu byonabyona ebitukuvu ebyali mu Weema eyo, byona baabitwala mu isinzizo.

1 Bakyabazinga 8:7

kuba bikerubi ebyo byakolebwa nga byandhulwiza amaghagha gabyo, era nga ghansi gh'amaghagha ago n'aghali ekifo kye bataamu Sanduuku eyo n'emiti gyayo egy'okugibbeedesa.

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

2 Ebyomubyanda 5:7

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 80:2

weeyolekere abantu ba Efuraimu, n'aba Benjamini, n'aba Manasse. Situka n'amaani go oidhe otulokole.

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Okuvaayo 37:9

Ebifaananie ebyo yaabikola ng'abirinzagania, aye ng'amaiso galingiriire ku kisandikiza ekyo, era nga byandhulwiza amaghagha gaabyo gaaghemba ku kisandikiza ekyo.

Isaia 37:16

“Wo Musengwa Katonda Afuga Amagye, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

Ezekieli 10:5

Omuvuuma ogw'amaghagha ga bikerubi gwawulirwa n'ere mu luya olw'okuliya, nga guli ng'oti n'amamiro ga Katonda Aghanga Ebintu Byonabyona bwe gawulirwa, bw'aba ng'ayogeire.

Ezekieli 41:4

Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”

1 Samueli 4:4

Kale baatuma abakwenda e Shilo, baatoolayo Esanduuku ey'Endagaano ya Musengwa Katonda, oyo Afuga Amagye era atyama ku bitonde ebiri n'amaghagha ebyetebwa kerubi. Batabane ba Eli bombi, Hofuni ni Finehasi, boona baidhira ghalala n'Esanduuku y'Endagaano ya Katonda.