1 Bakyabazinga 8:56 - Baibuli Ekibono kya Katonda 2014

⁵⁶ “Musengwa Katonda asaakibwe, oyo aghaire abantu be Abaisiraeli emiraala nga bwe yasuubiza. Ghaziragho waire ekintu ekirala kiti ky'atatuukiriiza, ku birungi bye yasuubiza ng'abita mu Musa omugheereza we.

1 Bakyabazinga 8:56 ပူးပေါင်းရင်းမြစ်များ

2 Bakyabazinga 10:10

Kale ni mukimanhe nga buli kintu Musengwa Katonda kye yakoba ku b'endhu ya Ahabu, tikiriroba kutuukirira. Musengwa Katonda akoze ekyo kye yayogera ng'abita mu mugheereza we Eliya.”

1 Ebyomubyanda 16:36

Musengwa Katonda, Katonda wa Isiraeli asaakibwe! Asaakibwe buti, era asaakibwenga ebyanda n'ebyanda. Agho abantu boonaboona bakoba bati: “Amiina!” Era baasaaka Musengwa Katonda.

1 Ebyomubyanda 22:9

Aye olizaala omwana mulenzi yaaba muntu wa miraala, kuba ndimugha emiraala yaaloba kulumbibwa bazigu be ku ndhuyi dhoonadhoona. Olimutuuma eriina Solomoni, kuba mu bufuzi bwe ndigha ensi Isiraeli okuba emiraala n'okutebenkera.

2 Ebyomubyanda 14:6

Yaazimba mu Buyudaaya ebibuga ebyezungulwirwa ebimante ebigumu, kuba ensi yali mu miraala. Mu myaka egyo, Asa tiyali na ntalo, kuba Musengwa Katonda yamugha okuba emiraala.

Okuvaayo 18:10

Era yaakoba ati: “Musengwa Katonda oyo asaakibwe, eyabatoola mu ngalo dha kyabazinga ow'e Misiri, ni mu ngalo edh'Abamisiri.

Luka 21:33

Eigulu n'ensi bija kuwaagho, aye ebibono byange tibija kuwaagho.

Amateeka Agokubiri 12:10

Aye bwe munaasomoka omwiga Yorudani, Musengwa Katonda waimwe aidha kubagha ensi eyo mugitwale. Aidha kubawonianga abazigu baimwe ababeezungulwire, mubenga miraala.

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 3:20

Mubeereku baganda baimwe abo, okutuusa lwe balitwala ekiketezo kyaibwe, Musengwa Katonda ky'ali kubagha e bugwandhuba gh'omwiga Yorudani, era okutuusa boona Musengwa Katonda lw'alibagha okutyama ni batereera ng'oti niimwe. Memale mwaira, kiisi muntu ku butaka bwe, bwe namugha.’

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.