1 Bakyabazinga 8:54 - Baibuli Ekibono kya Katonda 2014

⁵⁴ Solomoni bwe yamala okusaba Musengwa Katonda ebyo byonabyona ng'amweghemba, yaasituka gh'alutaari ya Musengwa Katonda, ghe yali akubye amakiryaivu ng'ayandhululiiza emikono gye y'eigulu.

1 Bakyabazinga 8:54 ပူးပေါင်းရင်းမြစ်များ

1 Bakyabazinga 8:22

Agho Solomoni yaayemerera mu maiso g'alutaari ya Musengwa Katonda, ng'Abaisiraeli boonaboona abeesoloiza baligho, yaayandhululiza emikono gye eri eigulu.

2 Ebyomubyanda 7:1

Solomoni bwe yamala okusaba kwe, omuliro gwaghanuka okuva mu igulu, gwayokya ebigheebwayo ebyokebwa n'emisengo gwabisaanaigho. N'okumesunkana okw'ekitiisa kya Musengwa Katonda kwabuna eisinzizo eryo.

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Luka 11:1

Olwatuuka, Yesu bwe yamala okusaba, ghaabaagho mulala ku Beegeresebwa be yaamukoba ati: “Musengwa, twegerese okusaba, ng'oti ni Yoanne bwe yayegeresa abeegeresebwa be.”

Luka 22:41

Yaabaleka agho yeeyongerayooku akata nga gh'otuusa okusuula eibaale,

Luka 22:45

Bwe yamala okusaba, yaasituka yaira y'Abeegeresebwa be yaabaagaana nga batendwike olw'enaku eyabali mu mwoyo,

Ebikolwa by'Abatume 20:36

Paulo bwe yamala okwogera ebyo yaakuba amakiryaivu nabo, yaasaba nabo boonaboona.

Ebikolwa by'Abatume 21:5

Bwe twamalayo enaku edho, twavaayo twaja ku lugendo lwaife. Boonaboona ghalala n'abakazi baibwe, n'abaana baatugherekeraku baatufulumya mu kibuga. Twenatwena twakuba amakiryaivu ku mbali kw'enhandha twasaba.