1 Bakyabazinga 8:51 - Baibuli Ekibono kya Katonda 2014

⁵¹ kuba abo n'abantu bo ababo ku bubwo, be watoola mu nsi Misiri, ye baali ng'oti n'abali mu muliro ogw'amaani ogusaanuusa ekyuma ekigumu einho.

1 Bakyabazinga 8:51 ပူးပေါင်းရင်းမြစ်များ

1 Bakyabazinga 8:53

kuba wabalonda mu maghanga goonagoona ag'oku nsi, okuba ababo ku bubwo, nga bwe wakoba ng'obita mu mugheereza wo Musa, bwe watoola badhaadha baife mu Misiri.”

2 Ebyomubyanda 6:39

Wuliranga bye bakusaba nga bakweghemba eyo y'oli mu igulu, era obaghenga bye bakusaba. Sonighanga abantu bo abo olw'okukola ebibi y'oli ni bakusungughaza.

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Zabbuli 28:9

Wo Musengwa Katonda, lokola abantu bo, era oghe enkabi abo be weerobozaamu, iwe obenga mwayi waibwe, era obalabirirenga ebyanda n'ebyanda.

Isaia 48:10

Mubone eno, nabaleba nga mbabisa mu kudaazibwadaazibwa, ng'oti ni feeza bwe bamukenenula mu muliro. Era naakizuula nga ghazira kye mugasa.

Isaia 64:9

Kale ni otatusungughalira kibitiriire, waire okutuvunaana ebibi byaife ebyanda n'ebyanda. Tugemerwe ekivunika, kuba twenatwena nga bw'otubona tuli bantu bo.

Yeremia 11:4

Endagaano eno nagikola ni badhaadha baibwe, bwe nabatoola mu nsi Misiri, ye baabanga ng'oti n'abali mu muliro ogw'amaani ogusaanuusa ekyuma ekigumu einho. Naabakoba okungonderanga n'okukolanga kiisi kye nalagira olwo babenga bantu bange, nze mbenga Katonda waibwe.

Yeremia 51:19

Aye Katonda wa Yakobo tali ng'oti ni byene, kuba n'eyakola ebintu byonabyona. Era yalonda Isiraeli okuba eighanga erirye ku bubwe. Eriina lye, ni Musengwa Katonda Afuga Amagye.

Danieli 3:26

Agho Nebukadinezzari yaaseeta kumpi n'olwigi olw'ekikoomi ekiri kugeigera omuliro, yaayeta ati: “Shaduraka, Meshaki, ni Abedinego, imwe abagheereza ba Katonda Ali Ghaigulu Yeene, mufulume mwidhe ghano.” Era Shaduraka, ni Meshaki, ni Abedinego, baafuluma mu muliro.

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.