1 Bakyabazinga 8:43 - Baibuli Ekibono kya Katonda 2014

⁴³ wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

1 Bakyabazinga 8:43 ပူးပေါင်းရင်းမြစ်များ

1 Bakyabazinga 18:36

Ekiseera eky'okughaayo ekigheebwayo ekyeigulo bwe kyatuuka, Eliya omulanzi yaaseeta kumpi ni alutaari, yaakoba ati: “Wo Musengwa Katonda, Katonda wa Aburahamu, owa Isaaka, era owa Yakobo, olwaleero ka bakimanhe nga niiwe Katonda mu Isiraeli, era nga nze ndi mugheereza wo, era nga bino byonabyona mbikoze nga iwe omaze kundagira.

1 Bakyabazinga 8:60

Olwo abantu ab'omu maghanga goonagoona ku nsi basobole okumanha nga Musengwa Katonda oyo Katonda, era nga ni Katonda yenka, ghazira wundi naire.

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

1 Ebyomubyanda 16:8

Mwenamwena musiime Musengwa Katonda, musaake eriina lye, mumanhise amaghanga agandi ebyo bye yakola.

2 Ebyomubyanda 6:33

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi basobole okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

Zabbuli 102:15

Ensi dhoonadhoona dhija kutya eriina lya Musengwa Katonda; ni bakyabazinga boonaboona ab'oku nsi baja kutya ekitiisa kye.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 33:14

Ng'ali ku kityamo kye eky'obwakyabazinga, alingirira abantu boonaboona ababa ku nsi.

Zabbuli 67:2

Olwo ensi yoonayoona emanhe ebyo by'oyenda; amaghanga goonagoona gamanhe amaani go agawonia.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Yeremia 25:29

kuba bona, nja kusookera mu kibuga kyange mwene okukola akabi. Balowooza bati beene baliwona okubonerezebwa? Busa, tibaliwona kubonerezebwa naire, kuba nja kusindika olutalo ku bantu boonaboona ab'oku nsi. Nze Musengwa Katonda Afuga Amagye, ninze nkobye.’

Amateeka Agokubiri 26:15

linga ghansi ng'oli mu igulu mu kifo kyo ekitukuvu, owe enkabi abantu bo Abaisiraeli, era owe enkabi n'ensi engimu era erimu ebirungi kamaala y'otughaire, nga bwe wasuubiza badhaadha baife.’

Yoshua 4:23

Kuba Musengwa Katonda waimwe yabakaliza amaadhi mu mwiga Yorudani okutuusa bwe mwagusala, era ng'oti ni bwe yakola Enhandha Emyufu ye yatukaliza okutuusa bwe twamala okugisala.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

1 Samueli 17:46

Olwaleero luno Musengwa Katonda aidha kukuta mu ngalo dhange nkukube ghansi, era nkutemeku omutwe. Era emirambo egy'eigye ery'Abafilisiti nja kugigabula enhonhi edh'omu ibbanga n'ensolo edh'omu nsiko. Olwo ensi yoonayoona emanhe nga mu Isiraeli mulimu Katonda.