1 Bakyabazinga 8:35 - Baibuli Ekibono kya Katonda 2014

³⁵ “Eigulu bwe lineesibanga amaadhi ni gatagwa, olw'abantu okuba nga bakoze ebibi ni bakusungughaza, aye olumaliira ni balekayo okukola ebibi ng'omaze okubabonereza, ni bakweghemba nga balingiriire ekifo kino,

1 Bakyabazinga 8:35 ပူးပေါင်းရင်းမြစ်များ

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

2 Samueli 24:13

Kale Gadi yaaja ye Daudi yaamukobera nga Musengwa Katonda bwe yamukoba. Yaamukoba ati: “Ku bisatu bino olondaku kirigha? Endhala okugwa mu nsi yo okumala emyaka esatu? Oba iwe okumala emyezi esatu ng'oli kulumuka abazigu bo abakuyiigania? Oba ekibamba okwidha mu nsi yo ni kigigoya okumala enaku eisatu? Buti dhuubiriza osalegho kye mbe ndhiremu oyo antumye.”

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 8:33

“Abantu bo Abaisiraeli bwe banaaghangulwanga abazigu baibwe olw'okukola ebibi y'oli, aye ni baira y'oli okwenenia era ni bakusaba nga bakweghemba mu isinzizo lino,

1 Bakyabazinga 8:34

bawulirenga eyo y'oli mu igulu. Era sonighanga ebibi by'abantu bo abo Abaisiraeli, obaizenga mu nsi ye wagha badhaadha baibwe.

2 Ebyomubyanda 6:24

“Abantu bo Abaisiraeli bwe banaaghangulwanga abazigu baibwe olw'okukola ebibi y'oli, aye ni baira y'oli okwenenia era ni bakusaba nga bakweghemba mu isinzizo lino,

2 Ebyomubyanda 6:26

“Eigulu bwe lineesibanga amaadhi ni gatagwa, olw'abantu okuba nga bakoze ebibi ni bakusungughaza, aye ku nkomerero ni bamala balekayo okukola ebibi ng'omaze okubabonereza, era ni bakweghemba nga balingiriire ekifo kino,

Yobu 12:15

Bw'alobera amaadhi okugwa, ghabaagho endoboozi; bw'agaleka ni gagwa, omwidhuzo gughemba ensi.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Ezekieli 14:13

“Iwe omuntu, ensi bw'ekola ebibi n'ensungughaza ng'ezira bwesige ye ndi, ndigolola omukono gwange naagibonereza, naazikiriza emere yaayo, naagisindikira endhala era naita abantu baayo n'ensolo.

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Abalevi 26:19

Ndidha kutoolangagho obuyinza bwaimwe obubaleetera okwekuluntaza. Tighaabenga maadhi gagwa, olwo ensi yaimwe yaakala, yaabbalanguka ng'oti kyuma kya kikomo.

Haggai 1:10

Kyova eigulu ligemereire amaadhi obutagwa, n'eitaka lyaloba kubaza birime.

Zekaria 14:17

Era eighanga lyonalyona eritaaniineniinenga kuja Yerusalemu, okusinza Musengwa Katonda Afuga Amagye era Kyabazinga, ekiketezo kyalyo tikiigwengamu maadhi naire.

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Luka 4:25

“Aye mbakobera mu butuufu bwene: Mu byanda bya Eliya, banamwandu baali kamaala mu Isiraeli eigulu bwe lyesiba emyaka esatu n'emyezi omukaaga, endhala ey'amaani n'egwa mu nsi woonawoona.

Ab'e Roma 10:9

Kuba bw'oyatula n'omunwa gwo oti Yesu ni Musengwa, n'oikiriza mu mwoyo gwo nga Katonda yamuzuukiza, olirokolwa.

Ab'e Roma 15:9

era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti: “Kale ni nnaakwebazanga mu bamaghanga agandi; nnaayemba nga nsaaka eriina lyo.”

Amateeka Agokubiri 11:16

Mwekuume mulobenga kusendebwasendebwa ni muva ku Musengwa Katonda, ni musinza bakatonda abandi era ni mubagheereza.

Amateeka Agokubiri 11:17

Bwe mulikola mutyo, obusungu bwa Musengwa Katonda bulibatumbukiraku ng'oti muliro, Musengwa Katonda oyo yaalobera amaadhi okugwa, ensi yaakala yaaloba kubaza mere, era mwazikirira mangu, waire nga muliba mu nsi engimu Musengwa Katonda y'ali kubagha.

Amateeka Agokubiri 28:12

Musengwa Katonda aidha kubaigulirangagho eiterekero lye ery'ebirungi, eigulu ligwisenga amaadhi mu nsi yaimwe mu biseera byago. Era aidha kubaghanga enkabi mu byonabyona bye munaakolanga, musobole okuwolanga amaghanga kamaala, aye nga imwe timugeewolwaku.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.