1 Bakyabazinga 8:33 - Baibuli Ekibono kya Katonda 2014

³³ “Abantu bo Abaisiraeli bwe banaaghangulwanga abazigu baibwe olw'okukola ebibi y'oli, aye ni baira y'oli okwenenia era ni bakusaba nga bakweghemba mu isinzizo lino,

1 Bakyabazinga 8:33 ပူးပေါင်းရင်းမြစ်များ

1 Bakyabazinga 8:34

bawulirenga eyo y'oli mu igulu. Era sonighanga ebibi by'abantu bo abo Abaisiraeli, obaizenga mu nsi ye wagha badhaadha baibwe.

1 Bakyabazinga 8:47

aye ni bamala beerowooza nga bali eyo mu nsi ye baatwalibwa ng'abanhage, ni beenenia era ni bakweghemba bati, ‘Twayonoona, twadaaliima era twakola ebibi’, wuliranga okusaba kwaibwe.

1 Bakyabazinga 8:48

Wo Musengwa Katonda, bawulirenga bwe baneenenianga n'omwoyo gwaibwe gwonagwona nga bali eyo mu nsi y'abazigu baibwe abaabatwala nga banhage. Era obawulirenga bwe banaakusabanga nga balingiriire ensi yaibwe ye wagha badhaadha baibwe, era nga balingiriire ekibuga kye walonda, era n'eisinzizo lino lye nkuzimbiire.

Zabbuli 44:10

Otuleeteire okukyuka twalumuka abazigu baife, abazigu abo baatwala ebyaife ng'omunhago.

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Yeremia 36:7

Oba katyo balitoolera okusabanga Musengwa Katonda, era baakyuka baaleka empisa dhaibwe embi, kuba Musengwa Katonda yeesoomeire okukola ku bantu abo mu busungu n'ekiruyi ebitaloodheka.”

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.

Yona 3:10

Katonda bwe yabona bino bye baakola, ni balekayo ebikolwa byaibwe ebibi, yaakyusa ekidhuubo kye, yaaloba kubazikiriza nga bwe yali akobye.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

Yoshua 7:8

Musengwa Katonda, Abaisiraeli bakyuse baalumuka abazigu, tiidhi na kya kwogera