1 Bakyabazinga 8:29 - Baibuli Ekibono kya Katonda 2014

²⁹ Kuumanga eisinzizo lino omusana n'obwire, kuba kino n'ekifo kye wakoba oti, ‘Omwo mwe banansinzizanga.’ Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

1 Bakyabazinga 8:29 ပူးပေါင်းရင်းမြစ်များ

1 Bakyabazinga 11:13

Ate era tirimutoolaku bwakyabazinga bwonabwona, aye ndimulekeragho ekika kirala ku lwa Daudi omugheereza wange, ni ku lwa Yerusalemu, ekibuga kye nalonda okuba ekyange.”

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 14:21

Rehoboamu mutabane wa Solomoni yafuuka kyabazinga wa Buyudaaya ng'agheza emyaka amakumi ana na mulala (41). Yaafugira entangama ya myaka ikumi na musanvu (17) mu Yerusalemu, ekibuga Musengwa Katonda kye yalondamu okumusinzizangamu mu bibuga byonabyona eby'ebika bya Isiraeli. Inhina wa Rehoboamu oyo yali ayetebwa Naama, nga Muammoni.

1 Bakyabazinga 8:16

‘Kasookanga ntoola abantu bange Abaisiraeli mu Misiri, tirondangaghooku mu bika bya Isiraeli byonabyona kibuga waire ekirala kiti, mwe bananzimbira eisinzizo. Aye nalonda Daudi akulembere abantu bange Abaisiraeli.’ ”

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

1 Bakyabazinga 8:52

“Wo Musengwa Katonda wange, buliidho mpulirisanga nze omugheereza wo, era owulirisenga n'abantu bo Abaisiraeli bye bakusaba nga bakweghemba,

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Bakyabazinga 19:16

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

2 Bakyabazinga 21:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga.”

2 Bakyabazinga 21:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Bakyabazinga 23:27

Musengwa Katonda yaakoba ati: “Ndidha kubinga Buyudaaya mu maiso gange, ng'oti bwe nabinga Isiraeli. Ndidha kulekulira agho ekibuga kino Yerusalemu kye nalondamu, era ndekulire agho n'eisinzizo lye nakoba nti mwe banansinzizanga.”

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 20:8

Era bagibairemu baakuzimbira n'eisinzizo ery'okukusinzizangamu, nga bakoba bati,

2 Ebyomubyanda 33:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga lubeerera.”

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Ebyomubyanda 6:20

Kuumanga eisinzizo lino omusana n'obwire, kuba kino n'ekifo kye wakoba oti mwe banaakusinzizanga. Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

2 Ebyomubyanda 6:40

“Wo Musengwa Katonda, mpegaano ni tulingeku n'amaiso go era otege kutu wo, owulire bye tukusaba mu kifo kino.

Nehemia 1:6

Lingirira nze omugheereza wo, otege kutu wo owulire bye nkusaba omusana n'obwire ku lw'abagheereza bo Abaisiraeli. Ndhatula nti bwenebwene ife Abaisiraeli twayonoona.

Nehemia 1:9

Aye bwe munaakyukanga ni mwira ye ndi, ni mujiira ku biragiro byange, ndidha kubakungaanianga ni bwe munaabanga nga musansaanire eyo eghala einho, mbaleete mu kifo kye nalonda okunsinzizangamu.’

Zabbuli 138:2

Neeyala ghansi nga ningiriire eisinzizo lyo eitukuvu naasaaka eriina lyo, olw'okungonza einho obutalekera n'olw'okuba omwesigwa, era n'olw'okuba ogulumiza eriina lyo n'ebiragiro byo okusinga ebintu ebindi byonabyona.

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Danieli 6:10

Danieli bwe yamanha ng'ekighandiiko eky'ekiragiro ekyo kiteirebwaku ekinkumu, yairayo eka ewuwe mu ndhu ye. Amadinisa ag'endhu eyo ag'omu kisenge ekya ghaigulu, gaali nti bwe gaigulwanga nga galingirira okwolekera Yerusalemu. Kale bwe yatuuka eyo yaakuba amakiryaivu, yaasaba era yeebaza Katonda we nga bwe yakolanga okuva eira, emikuzi esatu buli lunaku.

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Zekaria 12:4

Mu kiseera ekyo ndireetera embalaasi dhoonadhoona okutya einho, dhaagwamu akatambala, era naaleetera n'abavuzi baadho okugwa eiralu. Ndirabirira abantu b'omu Buyudaaya, aye naaleetera embalaasi edh'abazigu baibwe okutulughala.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:14

Aye mubigheerengayo mu kifo ekyo kyonka Musengwa Katonda ky'aidha okulondagho, mu kiketezo eky'ekindi ku bika byaimwe. Eyo ye munaagheerangayo ebigheebwayo ebyokebwa, era ye munaakoleranga ebyo byonabyona bye ndi kubalagira.

Amateeka Agokubiri 12:5

Mu biketezo by'ebika byaimwe byonabyona, Musengwa Katonda waimwe aidha kulondamu ekifo kirala, abantu ye banaajanga mu maiso ge okumusinza.

Amateeka Agokubiri 16:2

Mwidha kujanga mu kifo Musengwa Katonda ky'aliba ng'alonzeegho okumusinzizangamu, mugheerengayo eyo omusengo ogw'Ekibinuko eky'Okwidhukiriraku Okubitizibwa, nga mwita ku nte dhaimwe, oba ku ntaama dhaimwe, oba ku mbuzi dhaimwe.

Amateeka Agokubiri 16:6

Aye mwidha kugugheeranga mu kifo ky'aliba alonzeegho okumusinzizangamu. Eyo ye munaagugheerangayo eigulo, ng'endhuba eri kugwa, mu kiseera nga kye mwaviiramu mu Misiri.

Amateeka Agokubiri 26:2

buli muntu aidha kutanga mu kiibo ku birime bye byonabyona ebisooka okukungulwa. Abitwale mu kifo Musengwa Katonda waimwe ky'aliba ng'alonzeegho okumusinzizangamu.