1 Bakyabazinga 7:50 - Baibuli Ekibono kya Katonda 2014

⁵⁰ ebikopo, makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu.

1 Bakyabazinga 7:50 ပူးပေါင်းရင်းမြစ်များ

2 Bakyabazinga 12:13

Aye empiiya edho dhe baasolozanga mu isinzizo, tibaadhikozesaaku kusasulira benseni edha feeza, ni makansu edhisala ebisiriiza ku ntambi dh'entaala, n'ebibya, n'amagwala, n'ebintu ebindi byonabyona ebikozesebwa mu isinzizo, ka bibe bya zaabu oba bya feeza.

2 Bakyabazinga 25:15

Nebuzaradani yaatwala kiisi kintu ekyakolebwa mu zaabu oba mu feeza, omwali ebintu bye bataamu omuliro, n'ebibya.

Okuvaayo 25:29

Emeeza eyo mugikolereku ebibya n'enkaayi, era mugikolereku n'ensugha, n'ebikopo, olw'ebigheebwayo ebifukibwa. Ebintu ebyo mubikole mu zaabu omukenenule.

Okuvaayo 25:38

Makansu edhisala ebisiriiza ku ntambi, ni sowaani edhiteebwaku ebisiriiza ebyo, oidha kudhikola mu zaabu omukenenule.

Okuvaayo 27:3

Ogikolereku obulobo obw'okusuulangamu eivu ery'amasavu. Ogikolereku n'ebitiiyo, n'ebibya eby'okutaamu omusaayi ogw'okumansira, n'ebyuma eby'amaino ng'oti wuuma, n'ebintu eby'okutwalirangaku amanda agaliku omuliro. Ebintu ebikozesebwa ku alutaari byonabyona, oidha kubikola mu kyuma eky'e kikomo.

Yeremia 52:19

Nebuzaradani yaatwala kiisi kintu ekyakolebwa mu zaabu oba mu feeza, omwali ebintu eby'okutwalirangaku amanda agaliku omuliro, n'ebibya ebitono, n'ebibya ebibaamu omusaayi ogw'okumansira, n'obulobo obw'okusuulangamu eivu, n'ebikondo eby'entaala, n'ebintu ebiteebwamu obubbaani, n'ebintu ebikozesebwa mu kuwaayo ebigheebwayo ebifukibwa.

Ezekieli 41:4

Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”

Abalevi 16:12

anaatoolanga ekiniokezebwaku obubbaani ekiidhwire amanda ag'omuliro g'atoire ku alutaari mu maiso ga Musengwa Katonda, n'emiganda ebiri egy'obubbaani obw'akawoowo obusekwirwa einho, yaabireeta munda mw'olutimbe.

Zekaria 14:20

Mu kiseera ekyo, ni bwebiba ebide obude bye basiba mu mbalaasi, byona biriba bighandiikiibwaku biti: “Yayawulibwa nga ya Musengwa Katonda.” N'entamu edh'omu isinzizo lya Musengwa Katonda dhiritwalibwanga okuba entukuvu ng'oti n'ebibya ebiba emberi gh'alutaari.

Okubala 7:86

Mu nsambo n'endala zaabu ye baaleeta yagheramu kilo namba ni guraamu ebikumi bisatu n'abiri (1.32), kuba ebintu ebibaamu obubbaani bye baaghaayo nga buli kirala kiidhwire obubbaani, byali ikumi na bibiri, nga buli kintu kizitogha guraamu kikumi na ikumi, ng'ojiira ku mbala entongole ey'eisinzizo.