1 Bakyabazinga 7:49 - Baibuli Ekibono kya Katonda 2014

⁴⁹ ebikondo eikumi eby'entaala bye bata mu maiso ag'Ekifo Ekitukuvu Einho, ng'ebitaanu biri ku luuyi olw'omukono omusaadha olw'e buvandhuba w'ekifo ekyo ate ebitaanu byaba ku luuyi olw'omukono omugooda olw'e buvandhuba waakyo. Solomoni oyo era yaakola ni bino: ebimuli, entaala, entooleso,

1 Bakyabazinga 7:49 ပူးပေါင်းရင်းမြစ်များ

2 Ebyomubyanda 4:20

ebikondo by'entaala nga biriku n'entaala dhaaku edh'okwakiranga mu maiso ag'Ekifo Ekitukuvu Einho, ng'entegeka bwe yalinga,

2 Ebyomubyanda 4:7

Yaakola ebikondo by'entaala ikumi mu zaabu, mu nsambo ye byali nga biri n'okukolebwa, yaabita mu isinzizo: ebitaanu ku luuyi olw'omukono omusaadha olw'e buvandhuba w'eisinzizo eryo, n'ebitaanu ebindi ku luuyi olw'omukono omugooda olw'e buvandhuba waalyo.

Okuvaayo 25:23

“Era oidha kukola emeeza mu muti ogwetebwa akasia, ng'obuleeyi bwayo egheza sentimita kinaana na munaana, obugazi bwayo nga bwa sentimita amakumi ana na ina, n'obugungumavu bwayo nga bwa sentimita nkaaga na mukaaga.

Okuvaayo 39:37

Era baamuleetera ekikondo eky'entaala ekyakolebwa mu zaabu omukenenule, n'entaala dhaaku, n'ebikozesebwaku ebindi byonabyona, n'amafuta ag'entaala.

Yeremia 52:19

Nebuzaradani yaatwala kiisi kintu ekyakolebwa mu zaabu oba mu feeza, omwali ebintu eby'okutwalirangaku amanda agaliku omuliro, n'ebibya ebitono, n'ebibya ebibaamu omusaayi ogw'okumansira, n'obulobo obw'okusuulangamu eivu, n'ebikondo eby'entaala, n'ebintu ebiteebwamu obubbaani, n'ebintu ebikozesebwa mu kuwaayo ebigheebwayo ebifukibwa.

Okubala 4:9

“Baidha kufunangayo olugoye lwa bbululu balughembe ku kikondo eky'entaala ni ku ntaala dhaakyo, ni ku makansu dhaakyo edhisala ebisiriiza ku ntambi, ni ku sowaani dhaakyo edhiteebwaku ebisiriiza ebyo, era ni ku bidoome ebibaamu amafuta byonabyona.

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.