1 Bakyabazinga 7:30 - Baibuli Ekibono kya Katonda 2014

³⁰ Buli kituuti kyaliku enkede ina edh'ekyuma eky'ekikomo, n'ebyuma, n'emisumaali egiba ghagati ghaadho kwe dheekulungulira, nga gyona gya kyuma kya kikomo. Ku nsonda dhaakyo eina, kwaliku ghe batengeka ebenseni. Ghe batengeka ebenseni agho baatonagho emige gy'ebimuli ku mbali ni ku mbali.

1 Bakyabazinga 7:30 ပူးပေါင်းရင်းမြစ်များ

1 Bakyabazinga 7:29

Ku mabaati ago agaali mu fuleemu kwaliku ebifaananie by'empologoma, n'ente, n'ebitonde ebiri n'amaghagha ebyetebwa kerubi. Ni ku fuleemu, ghaigulu ni ghansi gh'ebifaananie by'empologoma n'ente, ghaaligho emige gy'ebimuli egireebeeta.

1 Bakyabazinga 7:31

Ku ngulu ku mutwe ogw'ekituuti kwaliku enkata ey'okutengekamu ebenseni, nga baagisitulaku sentimita amakumi ana na itaanu (45) okusingaku ekituuti, ate yaika mu kituuti munda sentimita ikumi na munaana (18), era nga neekulungirivu. Omunwa ogw'enkata gwali nga mutone gwaku. Amabaati ag'ekituuti gaali n'endhuyi ina edhaagayaga, nga ti neekulungirivu.

1 Bakyabazinga 7:34

Mu buli nsonda ku dhoonadhoona eina edha buli kituuti, mwalimu emiziziko ena egy'ekintu ekitengekebwaku benseni, nga gyakolerwa ghalala n'ekituuti aghazira kwawukanaku naire.

Ezekieli 10:9

Era naja okulinga nti nga mbona enkede ina kumpi agho ni bikerubi, nga buli gha mbali gha kikerubi ghaligho enkede ndala ndala. Enkede edho dhaali nga dhimirimiinha ng'oti ibaale ery'omughendo eryetebwa kurisolito.

Ezekieli 3:13

Omuvuuma ogwo gwe nawulira, gaali amaghagha ag'ebitonde ebiramu ebina (4) nga gali kugemaganaku, ng'otaireku n'okuvuga okw'enkede edhaajiiranga aghalala n'ebitonde ebiramu ebyo. Ebyo n'ebyawulikika ng'oti kugugumuka kwa musisi ow'amaani einho.