1 Bakyabazinga 7:29 - Baibuli Ekibono kya Katonda 2014

²⁹ Ku mabaati ago agaali mu fuleemu kwaliku ebifaananie by'empologoma, n'ente, n'ebitonde ebiri n'amaghagha ebyetebwa kerubi. Ni ku fuleemu, ghaigulu ni ghansi gh'ebifaananie by'empologoma n'ente, ghaaligho emige gy'ebimuli egireebeeta.

1 Bakyabazinga 7:29 ပူးပေါင်းရင်းမြစ်များ

Amainhama 3:24

yaamubingira kuliya. Ku luuyi olw'enimiro olw'e buvandhuba yataayo ebitonde ebiri n'amaghagha ebyetebwa kerubi, era n'empiima eyaka, era ng'ekyukira ku ndhuyi dhoonadhoona okukuumanga engira eja ku muti ogw'obulamu.

1 Bakyabazinga 6:27

Bikerubi ebyo yaabita ghagati mu Kifo Ekitukuvu Einho. Amaghagha gaabyo gaakolebwa nga mandhuluze, ng'eighagha ery'ekindi lituuka ku kimante eky'oluuyi olundi, n'ery'ekindi lyatuuka ku kimante eky'oluuyi olundi. Ate amaghagha gaabyo agandi nga gagemaganira ghagati gh'Ekifo Ekitukuvu Einho.

1 Bakyabazinga 7:25

Etanka eyo yatyamizibwa ku bifaananie by'ente enume ikumi na ibiri ebyakolebwa mu kyuma eky'ekikomo. Ebifaananie ebyo byali biti: ebisatu nga biringiriire ku luuyi olw'omukono omugooda olw'e buvandhuba, n'ebisatu ebindi ku luuyi olw'e bugwandhuba, n'ebisatu ebindi ku luuyi olw'omukono omusaadha olw'e buvandhuba, ate ebisatu ebisigairegho byalingirira ku luuyi olw'e buvandhuba, nga birinzagainia emikira.

1 Bakyabazinga 7:28

Ebituuti ebyo byakolebwa mu mabaati, nga gateereibwa mu fuleemu.

1 Bakyabazinga 7:30

Buli kituuti kyaliku enkede ina edh'ekyuma eky'ekikomo, n'ebyuma, n'emisumaali egiba ghagati ghaadho kwe dheekulungulira, nga gyona gya kyuma kya kikomo. Ku nsonda dhaakyo eina, kwaliku ghe batengeka ebenseni. Ghe batengeka ebenseni agho baatonagho emige gy'ebimuli ku mbali ni ku mbali.

Okuvaayo 25:18

Era mukole ebifaananie bibiri eby'ebitonde ebiri n'amaghagha ebyetebwa kerubi, nga mubikola mu zaabu, bibe ku ndhuyi dhombi edh'ekisandikiza eky'esanduuku eyo.

Okuvaayo 37:7

Yaakola mu zaabu ebifaananie bibiri eby'ebitonde ebiri n'amaghagha ebyetebwa kerubi.

Ezekieli 1:10

Buli kirala ku bitonde ebiramu ebyo ebina (4) kyaliku obweni nga bwa mikuzi ena: kyaliku obwali ng'oti bwa muntu nga buli emberi waakyo, kyabaaku obwali ng'oti bwa mpologoma ku luuyi lwakyo olw'omukono omusaadha, kyabaaku obwali ng'oti bwa nte nume ku luuyi lwakyo olw'omukono omugooda, era kyabaaku obwali ng'oti bwa nkookooma y'enkoone yaakyo.

Ezekieli 10:14

Buli kikerubi kyali n'obweni bwa mikuzi ena. Obweni obwasooka bwali ng'oti bwa nte nume, obwokubiri bwaba ng'oti bwa muntu, obwokusatu bwaba ng'oti bwa mpologoma, ate obwokuna bwaba ng'oti bwa nkookooma.

Hosea 5:14

Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.

Abaheburayi 9:5

Ghaigulu ghaayo nga ghaligho ebitonde ebiri n'amaghagha ebyetebwa kerubi, ebyoleka ekitiisa kya Katonda, ebighemba ekityamo ekisoniyirwaku ebibi n'amaghagha gaabyo. Aye bino byonabyona, titughanga kubyogeraku mu bwidhuvu buti.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

Okwolekebwa 5:5

Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”