1 Bakyabazinga 7:16 - Baibuli Ekibono kya Katonda 2014

¹⁶ Era yaakola emitwe ebiri mu kyuma eky'ekikomo ekisaanuusiibwa, egy'okuta ku ntwiko edh'empango edho eibiri, nga buli mutwe gugheza mita ibiri n'obutundu bubiri mu buleeyi.

1 Bakyabazinga 7:16 ပူးပေါင်းရင်းမြစ်များ

1 Bakyabazinga 7:15

Hiramu yaagheesa empango ibiri mu kyuma eky'ekikomo, nga buli ndala egheza mita munaana mu buleeyi, era yaagheza emita itaanu n'obutundu busatu mu kugyezunguluza. Yalimu empongolo munda, era ng'obunene obw'omubiri gwayo bwaga ngalo ina.

1 Bakyabazinga 7:17

Buli mutwe ogwali ku buli mpango, yaagwezunguluza ebifaananie eby'ebimuli, era yaakolaku n'ebifaananie eby'endhegere edhirukiibwa ng'oti katimba,

Okuvaayo 36:38

Ekikinzaagho ekyo baakikolera empango itaanu n'obusumaali obw'okukisibisa. Ku mitwe egy'empango edho baalimbyaku zaabu. Era baakoleraku emige nga gya zaabu, aye ebikolo byadho baabikola nga bya kyuma kya kikomo.

Okuvaayo 38:17

Ebikolo bye yaayemerezaaku empango edho yaabikola mu kyuma kya kikomo, ate obusumaali n'obuntu obudhigemagania byaba bya feeza. Emitwe egy'empango edho gyonagyona yaagirimbyaku feeza okugyezunguluza.

Okuvaayo 38:19

Yaakitimba ku mpango eina dhe yaayemereza ku bikolo ebina ebyakolebwa mu kyuma eky'ekikomo. Obusumaali obw'oku mpango edho yaabukola mu feeza, ate emitwe egy'empango edho gyonagyona yaagirimbyaku feeza okugyezunguluza. Era empango edho yaadhitaaku obuntu obudhigemerera nga bwa feeza.

Okuvaayo 38:28

Kilo dha feeza amakumi asatu edhaasigalagho baadhikolamu obusumaali obw'oku mpango, n'okulimbya ku mitwe gyadho, n'okudhikoleraku obuntu obudhigemagania.

Yeremia 52:22

Empango eyo ng'eriku n'omutwe ogw'ekyuma eky'ekikomo ogugheza emita eibiri n'obutundu obubiri mu buleeyi. Ku mutwe ogwo nga kuliku ebifaananie eby'endhegere edhirukiibwa ng'oti katimba n'ebifaananie eby'emikomamawanga, nga baabikola mu kyuma eky'ekikomo okugwezunguluza gwonagwona. N'empango eyokubiri yoona baali nga bagikoze mu nsambo n'endala eyo.