1 Bakyabazinga 7:15 - Baibuli Ekibono kya Katonda 2014

¹⁵ Hiramu yaagheesa empango ibiri mu kyuma eky'ekikomo, nga buli ndala egheza mita munaana mu buleeyi, era yaagheza emita itaanu n'obutundu busatu mu kugyezunguluza. Yalimu empongolo munda, era ng'obunene obw'omubiri gwayo bwaga ngalo ina.

1 Bakyabazinga 7:15 ပူးပေါင်းရင်းမြစ်များ

1 Bakyabazinga 7:16

Era yaakola emitwe ebiri mu kyuma eky'ekikomo ekisaanuusiibwa, egy'okuta ku ntwiko edh'empango edho eibiri, nga buli mutwe gugheza mita ibiri n'obutundu bubiri mu buleeyi.

1 Bakyabazinga 7:21

Hiramu yaasimba empango edho dhombi gha kisasi ky'eisinzizo. Yaasimba ey'oku luuyi olw'omukono omusaadha olw'e buvandhuba, yaagituuma eriina Yakini. Era yaasimba n'ey'oku luuyi olw'omukono omugooda olw'e buvandhuba, yaagituuma eriina Boazi.

1 Bakyabazinga 7:41

empango eibiri, emitwe ebiri egyakolebwa ng'oti bibya ku mpango edho eibiri, ebifaananie ebyalukibwa ng'oti katimba ni babitimba ku buli mpango,

2 Bakyabazinga 25:13

Abababilonia baamenhamenha empango edh'ekyuma eky'ekikomo edhaali mu isinzizo lya Musengwa Katonda, n'ebituuti ebiriku enkede eby'ekyuma eky'ekikomo, n'etanka enkologho nga yoona ya kyuma kya kikomo. Bwe baamala, baatoola ekyuma eky'ekikomo ekyava mu bintu ebyo, baakitwala e Babilonia.

1 Ebyomubyanda 18:8

Era yaatoola n'ebintu kamaala eby'ekyuma eky'ekikomo okuva mu bibuga Tibahathi ni Kuni ebyafugibwanga Hadadezeri. Ekyuma eky'ekikomo ekyo Solomoni kye yakozesa okukola etanka enkologho, n'empango, n'ebintu ebindi eby'okukozesa eby'ekyuma ky'ekikomo.

Yeremia 27:19

Musengwa Katonda Afuga Amagye akoba ati, ku bigema ku mpango, ni ku tanka, ni ku bikolo ebityamaku benseni, ni ku bintu ebikozesebwa mu isinzizo ebindi ebyasigala mu kibuga Yerusalemu,

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Yeremia 52:17

Abababilonia baamenhamenha empango edh'ekyuma eky'ekikomo edhaali mu isinzizo lya Musengwa Katonda, n'ebituuti ebiriku enkede eby'ekyuma eky'ekikomo, n'etanka enkologho nga yoona ya kyuma kya kikomo. Bwe baamala, baatoola ekyuma eky'ekikomo ekyava mu bintu ebyo, baakitwala e Babilonia.

Yeremia 52:21

Empango endala ng'egheza mita munaana mu buleeyi, era yaagheza emita itaanu n'obutundu busatu mu kugyezunguluza. Obunene obw'omubiri gwayo nga bwaga ngalo ina, era ng'erimu empongolo munda.

Ezekieli 40:49

Kyaliku amadaala ge baaniinanga okukituukaku. Era nga obuleeyi bwa kyo buli mita ikumi, ate obugazi bwaba mita mukaaga.