1 Bakyabazinga 7:14 - Baibuli Ekibono kya Katonda 2014

¹⁴ Hiramu oyo yali musaadha mugezi, ng'ali n'obumanhi mu kutetenkania n'okukola emirimo gyonagyona egy'okugheesa ebintu mu kyuma eky'ekikomo. Yali mutabane wa namwandu ow'omu kika kya Nafutali. Ise yali mutyamye ow'e Tiro, era nga mugheesi wa bintu eby'ekyuma eky'ekikomo. Hiramu oyo, yaidha eri kyabazinga Solomoni, yaamukolera emirimo gye gyonagyona.

1 Bakyabazinga 7:14 ပူးပေါင်းရင်းမြစ်များ

2 Ebyomubyanda 2:14

Inhina wa mu kika kya Dani, ate lata we yaaba omutyamye w'e Tiro. Huramu oyo mukugu mu kugheesa ebintu bya zaabu, n'ebya feeza, n'eby'ekyuma eky'ekikomo, n'eby'ekyuma ekigumu einho. Era mukugu mu kubaadha amabaale n'emiti, ni mu kukola ebintu mu ngoye edh'erangi ya bbululu, n'edh'eya nakasooma, n'edh'eya kasaayisaayi, n'empegheevu. Era mukugu mu kukola ogw'okutona ku bintu, n'okukola omusono gwonagwona gwe baba bamughaire. Wuuyo mmukugheereiza akolere ghalala n'abantu bo abakugu, abaakoleranga musengwa wange, lata wo Daudi.

2 Ebyomubyanda 2:6

Aye naani asobola okumuzimbira eisinzizo, ate nga n'eigulu lyene erisingayo okuba ghaigulu tirisobola kumumala kubaamu, waire nga inene okwaga agho? Ninze ani asobola okumuzimbira eisinzizo, okutoolaku okumuteeragho ekifo obufo eky'okumuniokezaamu obubbaani?

2 Ebyomubyanda 4:11

Huramu era yaakola ensugha, n'ebitiiyo, n'ebenseni. Mu nsambo eyo, yaamaliriza omulimo gwonagwona gwe yakolera kyabazinga Solomoni mu isinzizo, ogwalimu bino:

2 Ebyomubyanda 4:16

ensugha, ebitiiyo, n'ebenseni. Ebintu ebyo byonabyona Huramu bye yakolera kyabazinga Solomoni okukozesebwanga mu isinzizo, byali bya kyuma kya kikomo ekizigule.

Okuvaayo 28:3

Oidha kwogera n'abantu abasobola okukola ekyo, abantu be nagha amagezi n'obumanhi, bamukolere ebivaalo ayawulibwe ankolere omulimo ogw'obwakabona.

Okuvaayo 35:30

Agho Musa yaakobera Abaisiraeli ati: “Musengwa Katonda yalonda Bezalelo mutabane wa Uri, era mwidhukulu wa Hura, era nga wa mu kika kya Yuda.

Okuvaayo 35:31

Katonda yaatoola ku maani ge ye mwene yaagamugha, era yaamugha obusobozi, n'amagezi, n'obumanhi, era yaamugha okutetenkania n'okuyiiya.

Okuvaayo 35:35

Musengwa Katonda yaabaidhuza amagezi, nga basobola okukola kiisi mulimo gwonagwona: ka gube ogw'omubaadhi ow'amabaale ag'omughendo, oba ogw'omuyiiya, oba ogw'omulusi ow'engoye, oba ogw'adholiga engoye ng'akozesa n'empiso n'ewuuzi ka dhibe dha bbululu, oba dha nakasooma, oba dha ngoye mpegheevu. Era baasobola okukola kiisi mulimo ogwetaagisa okutetenkania.

Okuvaayo 36:1

“Bezalelo, ni Oholiabu, na kiisi muntu yeenayeena aghanga okukola, Musengwa Katonda b'aghaire obusobozi n'okutegeera ebyetaagisa mu kukola Weema entukuvu, baidha kukola ebyo byonabyona nga Musengwa Katonda bweyalagira.”

Okuvaayo 36:8

Abantu abasinga kuba na bumanhi mu bakozi boonaboona, n'abaakola Weema ey'Okwagaananirangamu ni Musengwa Katonda. Baagikola mu nsuubo ikumi nga dhaakolebwa mu ngoye empegheevu edhaalukibwa obukalamu edha langi ya bbululu, n'edh'eya nakasooma, n'edh'eya kasaayisaayi. Era baatungiramu ebifaananie eby'ebitonde ebiri n'amaghagha ebyetebwa kerubi, nga bakozesa empiso n'ewuuzi.

Isaia 28:26

Omulimi oyo amanha okukola omulimo gwe obukalamu, kuba Katonda we amwegeresa.