1 Bakyabazinga 6:5 - Baibuli Ekibono kya Katonda 2014

⁵ Yaalizimbaku ekizimbe kya kalina isatu ekyakookerwaku okwezungulula ebimante eby'okuliya kwalyo, mu mbali n'einhuma.

1 Bakyabazinga 6:5 ပူးပေါင်းရင်းမြစ်များ

1 Bakyabazinga 6:16

Einhuma munda mu isinzizo, yaazimbayo ekisenge eky'embaawo edh'emivule nga dhiva ghansi dhaatuuka ku lubani. Mu nsambo eyo yaayawula ku isinzizo ekifo kya mita mwenda, ekyo nga n'Ekifo Ekitukuvu Einho.

1 Bakyabazinga 6:31

Mu mulyango ogwingira mu Kifo Ekitukuvu Einho, yaaghangamu olwigi olw'omuti omwoliva nga lulimu ebitundu bibiri ebiigulwa ku luuyi ni ku luuyi. Emyango gyalwo, egy'omu mbali gyombi, ogwa ghansi n'ogwa ghaigulu ogwalimu ensonda esonse ghaigulu, nga woonawoona gikola ensonda itaanu.

1 Bakyabazinga 6:6

Buli kisenge mu kalina eya ghansi, kyali mita ibiri n'obutundu bubiri mu bugazi. Mu kalina eyokubiri, buli kisenge kyali mita ibiri n'obutundu musanvu mu bugazi. Ate mu kalina eyokusatu, buli kisenge kyali mita isatu n'akatundu kalala mu bugazi. Ekimante ky'eisinzizo ku buli kalina gh'etandiikira kyajanga nga kitonigha mu bunene bwakyo, okusinga ku kalina eri ghansi, olwo ebisenge ebyo byasobola okwesigama ku kimante ekyo, aye nga emiti gyabyo tibagizimbiire ku kyo.

1 Ebyomubyanda 23:28

emirimo egy'okubeerangaku bakabona ab'oku lulyo lw'Aaroni, mu byonabyona ebigema ku kugheereza mu isinzizo lya Musengwa Katonda, era nga ni gino:

1 Ebyomubyanda 28:11

Agho Daudi yaagha mutabane we Solomoni entegeka ey'enzimba y'eisinzizo nga bw'eja okuba: ekisasi kyaku, n'endhu dhaaku, n'amaterekero gaaku, n'ebisenge byaku ebya ghaigulu, n'ebisenge byaku eby'omunda, n'Ekifo Ekitukuvu Einho ekisoniyirwamu ebibi.

1 Ebyomubyanda 9:26

Ku bakuumi ab'emiryango abo kwaliku abaabakuliranga bana nga Balevi, abaalabiriranga ebisenge n'amaterekero eby'oku isinzizo.

2 Ebyomubyanda 31:11

Agho Hezekia yaalagira bategekeyo ebisenge mu isinzizo, era baabitegeka.

2 Ebyomubyanda 4:20

ebikondo by'entaala nga biriku n'entaala dhaaku edh'okwakiranga mu maiso ag'Ekifo Ekitukuvu Einho, ng'entegeka bwe yalinga,

2 Ebyomubyanda 5:7

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

2 Ebyomubyanda 5:9

Emiti egyo gyali mireeyi inho, ng'omuntu ali mu isinzizo ng'ali mu maiso g'Ekifo Ekitukuvu aghanga okubona enkomerero yagyo, aye ng'ole ali kuliya taghanga kugibona. Emiti egyo gikaaliyo ni ye buli eno.

Nehemia 10:37

“Buli mwaka twidha kuleetanga eri bakabona mu isinzizo, engaano ye tunaasookanga okukanda, n'ebintu ebindi, n'omwenge ogw'emizabbibu, n'omuzigo ogw'ebibala eby'emiti emyoliva, n'ebibala eby'oku miti egya buli nsambo. “N'Abalevi twidha kubaleeteranga ekintu kirala kirala ku buli bintu ikumi bye tufuna mu itaka lyaife, kuba Abalevi n'abasoloza ekirala ekirala ku buli bintu ikumi ebifunibwa mu byalo byaife byonabyona ye tulimira.

Nehemia 12:44

Ku lunaku olwo baataagho abantu ab'okulabiriranga amaterekero omwateebwanga ebigheebwayo eby'eisinzizo bino: ebirime ebisooka okukungulwa, n'ekintu ekirala ekirala ku buli bintu ikumi omuntu by'afuna. Era mu materekero omwo, mwe baasololezanga emigabo egyagheebwanga bakabona n'Abalevi okuva mu misiri egya buli kibuga, ng'Amateeka bwe galagira. Abayudaaya baakola batyo kuba baasanhukira inho ensambo bakabona n'Abalevi ye baagheerezangamu Katonda,

Zabbuli 28:2

Ganha owulirise okulira kwange, nga nkusaba okumbeera, era nga nsituliire emikono eri eisinzizo lyo eitukuvu einho.

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Yeremia 35:2

“Yeremia, ja y'ab'ekika kya Rekabu oyogere nabo. Memale obatwale mu kisenge ekindi ku ebyo ebiri ku isinzizo, obaghe ku mwenge ogw'emizabbibu banhwe.”

Yeremia 35:4

naabatwala mu isinzizo. Agho naabaingiza mu kisenge ky'abeegeresebwa ab'omulanzi ayetebwa Hanani mutabane wa Igadalia. Ekisenge ekyo kyali ghaigulu gh'ekisenge kya Maaseia mutabane wa Shallumu eyakuumanga omulyango gw'eisinzizo. Era nga kiri kumpi n'ebisenge eby'abakungu abandi ab'omu isinzizo.

Ezekieli 40:17

Agho omusaadha yambisa mu mulyango yanfulumya mu luya olw'okuliya. Naabona obusenge amakumi asatu nga baabuzimbira ku kimante eky'okuliya okwezunguluza oluya. Nga n'emberi ghaabwo baayaliiragho amabaale

Ezekieli 40:44

Agho yaanhingiza mu luya olw'omunda, naabona nga ghaligho ebisenge bibiri. Ekisenge ekindi kyali ku mbali kw'omulyango ogw'oku luuyi olw'omukono omugooda olw'e buvandhuba, nga kiringiriire ku luuyi olw'omukono omusaadha olw'e buvandhuba. Ate ekindi kyaba ku mbali kw'omulyango ogw'oku luuyi olw'omukono omusaadha olw'e buvandhuba, nga kiringiriire ku luuyi olw'omukono omugooda olw'e buvandhuba.

Ezekieli 41:4

Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Okubala 7:89

Agho Musa bweyaja mu Weema ey'Okwagaananirangamu ni Musengwa Katonda, okwogera ni Musengwa Katonda, yaawuliranga amamiro nga gava ghaigulu agh'ekisandikiza eky'Esanduuku ey'Endagaano. Gaaviira ghagati agh'ebitonde ebibiri ebiri n'amaghagha ebyetebwa kerubi, gaayogera naye.