1 Bakyabazinga 6:38 - Baibuli Ekibono kya Katonda 2014

³⁸ Mu mwezi ogwomunaana ogwetebwa Buli, mu mwaka ogweikumi n'omulala ogw'obufuzi bwa Solomoni, eisinzizo eryo lyonalyona lyawa okuzimbibwa, ng'entegeka yaalyo bweyali. Solomoni lyamutwalira emyaka musanvu okulizimba.

1 Bakyabazinga 6:38 ပူးပေါင်းရင်းမြစ်များ

1 Bakyabazinga 6:1

Mu mwaka ogwebikumi ebina n'ekinaana (480) ng'Abaisiraeli bamaze okuva mu nsi Misiri, mu mwaka ogwokuna okuva Solomoni lwe yatoolera okufuga Isiraeli, mu mwezi ogwetebwa Zivu, ogwo nga n'omwezi ogwokubiri mu mwaka, Solomoni oyo yainhama okuzimba eisinzizo lya Musengwa Katonda.

1 Bakyabazinga 6:14

Kale Solomoni yaazimba eisinzizo, yaalimaliriza.

1 Bakyabazinga 6:37

Omusingi gw'eisinzizo eryo gwazimbibwa mu mwezi ogwokubiri ogwetebwa Zivu, mu mwaka ogwokuna ogw'obufuzi bwa Solomoni.

1 Bakyabazinga 6:9

Mu nsambo eyo, kyabazinga Solomoni yaazimba eisinzizo era yaalimaliriza. Yaalitaamu olubani olw'emyango n'embaawo, nga bya muvule.

1 Bakyabazinga 7:1

Solomoni yeezimbira ekisaagaati kye eky'obwakyabazinga, kyamutwalira emyaka ikumi n'esatu okukimaliriza.

1 Bakyabazinga 9:10

Agho emyaka amakumi abiri Solomoni gye yazimbiramu ebizimbe byombi, eisinzizo n'ekisaagaati kye eky'obwakyabazinga, bwe gyawaaku,

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

2 Ebyomubyanda 8:1

Agho emyaka amakumi abiri Solomoni gye yazimbiramu eisinzizo n'ekisaagaati kye eky'obwakyabazinga bwe gyawaaku,

2 Ebyomubyanda 8:16

Mu nsambo eyo Solomoni yaamaliriza omulimo gwonagwona, okuviira irala ku lunaku lwe baataagho omusingi gw'eisinzizo, okutuusa lwe lyawa okuzimba. Kale eisinzizo eryo lyamalirizibwa.

Ezera 5:11

“Baatwiramu bati, ‘Ife tuli bagheereza ba Katonda ow'eigulu n'ensi. Tuli kuzimba buyaaka eisinzizo kyabazinga wa Isiraeli eyali omukologho lye yazimba n'alimaliriza, buti ghabiseegho emyaka kamaala.

Okuvaayo 39:32

Agho omulimo ogw'okukola Eweema ey'Okwagaananirangamu ni Musengwa Katonda gwawa. Abaisiraeli baakola ebyo byonabyona nga Musengwa Katonda bweyalagira Musa.

Okuvaayo 39:42

Abaisiraeli baakola omulimo ogwo gwonagwona nga Musengwa Katonda bweyalagira Musa.

Okuvaayo 39:43

Musa yaakebera byonabyona bye baakola, yaabona nga bwenebwene baabikola nga Musengwa Katonda bweyalagira. Musa yaabasabira enkabi.

Zekaria 4:9

“Zerubbabeli atairegho omusingi ogw'eisinzizo lino, era mwene oyo n'aidha okumaliriza okulizimba. Olwo abantu bange balimanha nga nze Musengwa Katonda Afuga Amagye, ninze eyakutuma ye bali.

Yoanne 2:20

Abayudaaya baamukoba bati: “Kyatwala emyaka amakumi ana na mukaaga (46) okuzimba eisinzizo lino! Waakoba oti oghanga okuliizaagho mu nnaku eisatu?”