1 Bakyabazinga 6:31 - Baibuli Ekibono kya Katonda 2014

³¹ Mu mulyango ogwingira mu Kifo Ekitukuvu Einho, yaaghangamu olwigi olw'omuti omwoliva nga lulimu ebitundu bibiri ebiigulwa ku luuyi ni ku luuyi. Emyango gyalwo, egy'omu mbali gyombi, ogwa ghansi n'ogwa ghaigulu ogwalimu ensonda esonse ghaigulu, nga woonawoona gikola ensonda itaanu.

1 Bakyabazinga 6:31 ပူးပေါင်းရင်းမြစ်များ

1 Bakyabazinga 6:23

Mu Kifo Ekitukuvu Einho yaakolerayo ebifaananie eby'ebitonde bibiri ebiri n'amaghagha ebyetebwa kerubi. Yaabikola mu miti emyoliva, nga buli kifaananie kigheza mita ina n'obutundu buna mu bugungumavu.

1 Bakyabazinga 6:30

Ghansi mu Kifo Ekitukuvu Einho ni mu isinzizo lyonalyona, yaalimbyagho zaabu woonawoona.

1 Bakyabazinga 6:32

Ebitundu by'olwigi olwo byombi yaabidholiga, ng'atonaku ebifaananie ebya bikerubi, n'eby'emiti eminaazi, n'eby'ebimuli ebyandhulwiza. Ebitundu eby'olwigi ebyo byombi, n'ebifaananie bya bikerubi, n'eby'emiti eminaazi, n'eby'ebimuli ebyandhulwiza, yaabirimbyaku zaabu.

2 Ebyomubyanda 4:22

makansu edhisala ebisiriiza ku ntambi, ebibya, ebintu bye bataaku obubbaani, ebintu eby'okutwaliraku amanda agaliku omuliro, pata edh'endhigi edh'omu Kifo Ekitukuvu Einho n'edh'endhigi edh'eisinzizo edh'okuliya. Ebintu ebyo byonabyona byali bya zaabu mukenenule.

Okuvaayo 12:7

Agho batoole ku musaayi gwadho bagusiige ku myango egy'emiryango egy'endhu eriirwamu ensolo edho ku gy'omu mbali gyombi, ni ku gwa ghaigulu.

Ezekieli 41:23

Ghaaligho olwigi olwingira mu kisenge ky'eisinzizo, ghaabaagho n'olundi olwingira mu Ekifo Ekitukuvu Einho.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Ab'Efeso 3:18

Olwo imwe, aghalala n'abatuukirivu boonaboona, musobole okumanha okugonza kwa Kurisito bwe kuli okunene, ate nga kuleeyi, mu bugungumavu, ni mu kwika ghansi.