1 Bakyabazinga 6:29 - Baibuli Ekibono kya Katonda 2014

²⁹ Yaadholiga ku bimante eby'omu Kifo Ekitukuvu Einho n'eby'omu isinzizo lyonalyona, ng'atonaku ebifaananie ebya bikerubi, n'eby'emiti eminaazi, n'eby'ebimuli ebyandhulwiza.

1 Bakyabazinga 6:29 ပူးပေါင်းရင်းမြစ်များ

1 Bakyabazinga 6:18

Embaawo dhe baaghemba ku bimante by'eisinzizo, dhaali nga dhitoneibwaku ebifaananie by'amabuga, n'ebimuli ebyandhulwiza. Munda mwonamwona, ebimante baabighembaku embaawo edh'emivule, ng'amabaale ge baazimbisa tigaboneka.

1 Bakyabazinga 6:28

Era bikerubi ebyo byombi yaabirimbyaku zaabu yaabibunia.

1 Bakyabazinga 6:30

Ghansi mu Kifo Ekitukuvu Einho ni mu isinzizo lyonalyona, yaalimbyagho zaabu woonawoona.

1 Bakyabazinga 6:32

Ebitundu by'olwigi olwo byombi yaabidholiga, ng'atonaku ebifaananie ebya bikerubi, n'eby'emiti eminaazi, n'eby'ebimuli ebyandhulwiza. Ebitundu eby'olwigi ebyo byombi, n'ebifaananie bya bikerubi, n'eby'emiti eminaazi, n'eby'ebimuli ebyandhulwiza, yaabirimbyaku zaabu.

2 Ebyomubyanda 3:14

Agho baakola olutimbe olw'omu Kifo Ekitukuvu Einho, mu ngoye edh'erangi ya bbululu, n'edh'eya nakasooma, n'edh'eya kasaayisaayi, n'empegheevu. Era olutimbe olwo baalutonatonamu ebifaananie bya bikerubi.

2 Ebyomubyanda 3:7

Baalimbya zaabu oyo ku bimante byalyo, ni ku mbaawo edh'akasolya kaalyo, ni ku myango egy'emiryango gyalyo, ni ku ndhigi dhaalyo. Era ku bimante byalyo ebyo yaatonaku ebifaananie eby'ebitonde ebiri n'amaghagha ebyetebwa kerubi.

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 148:2

Musaake Musengwa Katonda imwe bamalaika be mwenamwena, musaake Musengwa Katonda imwe ab'omu igulu ab'amaani mwenamwena.

Zabbuli 74:6

Baamenhamenha ebibaadhe eby'emiti, nga bakozesa empasa n'enhundo.

Okuvaayo 26:1

Era Musengwa Katonda yaakoba ati: “Oidha kukola ensuubo ikumi odhite mu Weema, nga dhaakolebwa mu ngoye empegheevu edhaalukibwa obukalamu, edha langi ya bbululu, n'edh'eya nakasooma, n'edh'eya kasaayisaayi. Era mutungiremu ebifaananie eby'ebitonde ebiri n'amaghagha ebyetebwa kerubi, nga mukozesa empiso n'ewuuzi.

Okuvaayo 36:8

Abantu abasinga kuba na bumanhi mu bakozi boonaboona, n'abaakola Weema ey'Okwagaananirangamu ni Musengwa Katonda. Baagikola mu nsuubo ikumi nga dhaakolebwa mu ngoye empegheevu edhaalukibwa obukalamu edha langi ya bbululu, n'edh'eya nakasooma, n'edh'eya kasaayisaayi. Era baatungiramu ebifaananie eby'ebitonde ebiri n'amaghagha ebyetebwa kerubi, nga bakozesa empiso n'ewuuzi.

Ezekieli 40:16

Obusenge obwo obwali ku mbali ni ku mbali okw'ekikuubo, bwaliku amadinisa bwonabwona. Amadinisa ago nga gaja bwe gafundaghala okwingira munda mu kimante. N'ekisasi kyona kyaliku amadinisa. Ebimante byonabyona ebyali biringiriire ekikuubo byaliku ebifaananie eby'emiti eminaazi.

Ezekieli 41:18

eby'ebitonde ebiri n'amaghagha ebyetebwa kerubi, n'ebifaananie eby'emiti eminaazi. Nga bwe bamala okutonaku ekifaananie ekya kikerubi, baizaaku eky'omuti omunaazi, kabiri baizaaku ekya kikerubi, batyo batyo okutuusa ekimante lwe kiwaaku. Buli kikerubi kyali n'obweni bwa mikuzi ebiri.

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.