1 Bakyabazinga 6:27 - Baibuli Ekibono kya Katonda 2014

²⁷ Bikerubi ebyo yaabita ghagati mu Kifo Ekitukuvu Einho. Amaghagha gaabyo gaakolebwa nga mandhuluze, ng'eighagha ery'ekindi lituuka ku kimante eky'oluuyi olundi, n'ery'ekindi lyatuuka ku kimante eky'oluuyi olundi. Ate amaghagha gaabyo agandi nga gagemaganira ghagati gh'Ekifo Ekitukuvu Einho.

1 Bakyabazinga 6:27 ပူးပေါင်းရင်းမြစ်များ

1 Bakyabazinga 6:26

Kikerubi ekindi kyali kigheza mita ina n'obutundu buna mu bugungumavu, era nga ni kiinaakyo kityo bwe kyaga.

1 Bakyabazinga 6:28

Era bikerubi ebyo byombi yaabirimbyaku zaabu yaabibunia.

1 Bakyabazinga 8:6

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

1 Bakyabazinga 8:7

kuba bikerubi ebyo byakolebwa nga byandhulwiza amaghagha gabyo, era nga ghansi gh'amaghagha ago n'aghali ekifo kye bataamu Sanduuku eyo n'emiti gyayo egy'okugibbeedesa.

2 Ebyomubyanda 3:11

Amaghagha ga bikerubi ebyo byombi gaakolebwa nga mandhuluze, era nga gagheza mita mwenda mu buleeyi. Eighagha eirala erya kikerubi ekisooka lyali ligheza mita ibiri n'obutundu bubiri mu buleeyi, era nga lituuka ku kimante ky'eisinzizo ku luuyi olundi. Ate eighagha lyakyo eryokubiri nga lyona ligheza mita ibiri n'obutundu bubiri, lyagema ku ighagha eirala erya kikerubi ekyokubiri, lyona eryali nga ligheza mita ibiri n'obutundu bubiri mu buleeyi.

2 Ebyomubyanda 5:8

kuba bikerubi ebyo byakolebwa nga byandhulwiza amaghagha gabyo, era nga ghansi gh'amaghagha ago n'aghali ekifo kye bataamu Sanduuku eyo n'emiti gyayo egy'okugibbeedesa.

Okuvaayo 25:20

Ebifaananie ebyo mubikole nga mubirinzagainia, aye nga amaiso gaabyo galingiriire ku kisandikiza, era nga byandhulwiza amaghagha gaabyo nga gaghemba ku kisandikiza ekyo.

Okuvaayo 37:9

Ebifaananie ebyo yaabikola ng'abirinzagania, aye ng'amaiso galingiriire ku kisandikiza ekyo, era nga byandhulwiza amaghagha gaabyo gaaghemba ku kisandikiza ekyo.