1 Bakyabazinga 6:20 - Baibuli Ekibono kya Katonda 2014

²⁰ Ekifo ekyo Ekitukuvu kyali mita mwenda mu buleeyi, mita mwenda mu bugazi, n'emita mwenda mu bugungumavu, era yaalimbya zaabu omukenenule munda mwakyo mwonamwona. Era yaakola alutaari mu mbaawo edh'emivule.

1 Bakyabazinga 6:20 ပူးပေါင်းရင်းမြစ်များ

1 Bakyabazinga 6:19

Munda mu isinzizo omwo, yaategekamu aghantu agheetebwa Ekifo Ekitukuvu, okutangamu Esanduuku ey'Endagaano ya Musengwa Katonda.

1 Bakyabazinga 6:21

Yaalimbya zaabu omukenenule munda mw'eisinzizo mwonamwona. Yaata endhegere edha zaabu aghaingirirwa mu Kifo Ekitukuvu Einho, nga dhoona adhirimbiizaaku zaabu.

1 Bakyabazinga 6:22

Eisinzizo lyonalyona yaalirimbyaku zaabu okulibunia. Ni alutaari ey'omu Kifo Ekitukuvu yoona yaagirimbyaku zaabu.

1 Bakyabazinga 7:48

Solomoni yaakola mu zaabu omukenenule ebintu byonabyona eby'okukozesebwanga mu isinzizo, bino: alutaari ni meeza kwe bata emigaati egigheereibwayo eri Katonda,

2 Ebyomubyanda 3:7

Baalimbya zaabu oyo ku bimante byalyo, ni ku mbaawo edh'akasolya kaalyo, ni ku myango egy'emiryango gyalyo, ni ku ndhigi dhaalyo. Era ku bimante byalyo ebyo yaatonaku ebifaananie eby'ebitonde ebiri n'amaghagha ebyetebwa kerubi.

Okuvaayo 26:29

Ebikondo ebyo mwidha kubirimbyaku zaabu byonabyona okubyezunguluza, era mubikolereku n'emikonda egya zaabu egibitamu embaawo dhire edhikiikamu. Embaawo edho dhoona mwidha kudhirimbyaku zaabu dhoonadhoona okudheezunguluza.

Ezekieli 41:22

alutaari ya mbaawo. Kyali n'obugulumivu okuja ghaigulu nga bugheza mita isatu, era kyaba n'obuleeyi ghansi nga bwagayaga n'obugazi bwakyo, mita ndala ndala. Kyaliku ebikondo mu buli nsonda nga byonabyona bya muti, era nga mu mbali mwakyo mulimu mbaawo, ni ghansi waakyo woona ghaabaagho mbaawo. Omusaadha yankoba ati: “Eno n'emeeza eba mu maiso ga Musengwa Katonda.”

Ezekieli 41:4

Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”