1 Bakyabazinga 5:8 - Baibuli Ekibono kya Katonda 2014

⁸ Agho Hiramu yaagheereza Solomoni obukwenda ati: “Nfunie obukwenda bwo. Era ebigema ku miti emivule n'emisipuressi, ndi mwetegefu okubikola byonabyona nga bw'oyenda.

1 Bakyabazinga 5:8 ပူးပေါင်းရင်းမြစ်များ

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

1 Bakyabazinga 5:7

Hiramu bwe yafuna obukwenda bwa Solomoni, yaasagamba inho, era yaakoba ati: “Musengwa Katonda olwaleero asaakibwe, eyagha Daudi omwana ow'amagezi okufuga eighanga lino eikologho.”

1 Bakyabazinga 5:9

Abagheereza bange baidha kugitoola e Lebanoni, bagiserengese ku nhandha. Ndidha kubalagira bagisibe ghalala mu binhwa, bagibise ku nhandha gituuke mu kifo ky'onaalondagho. Era ndidha kubalagira bagisimululire eyo, memale ogitooleyo. Iwe kye nhenda okole, n'okufunira ab'endhu yange emere.”

1 Bakyabazinga 6:15

Munda mu isinzizo ku bimante kwonakwona, okuva ghansi okutuuka ku lubani, yaghembaku embaawo edh'emivule. Ate ghansi woonawoona yaayaliiragho embaawo edh'emiti emisipuressi.

1 Bakyabazinga 6:34

Mu mulyango ogwo yaakoleramu endhigi ibiri edh'omuti omusipuressi, nga buli lulala lulimu pata ghagati, nga lughanga okwigukaku ekitundu.

2 Ebyomubyanda 2:16

Twidha kutema emiti gyonagyona gye weetaaga okuva mu Lebanoni, tugisibe mu binhwa, tugite ku nhandha giseeyeeye okutuuka e Yoppa. Eyo y'oligitoolera okugitwala e Yerusalemu.”

2 Ebyomubyanda 3:5

Ekisenge ekinene baakighembaku embaawo edh'emiti emisipuressi, ate ku ngulu kwadho baalimbyaku zaabu omukenenule era baatonaku ebifaananie eby'emiti eminaazi n'eby'endhegere.