1 Bakyabazinga 5:6 - Baibuli Ekibono kya Katonda 2014

⁶ Kale, mpegaano lagira bantemere emivule e Lebanoni. Abagheereza bange baidha kukolera ghalala n'ababo. Era ndidha kukusasula empeera y'onaayenda olw'abagheereza bo abo. Nga bw'oidhi obukalamu, eno ewaife ezira baidhi kutema miti ng'oti n'Abasidoni bwe batema.”

1 Bakyabazinga 5:6 ပူးပေါင်းရင်းမြစ်များ

Amainhama 10:15

Kanaani yazaala Sidoni, omwana we omuberi, ni Hethi,

1 Bakyabazinga 10:26

Solomoni yasoloza ebigaali eby'omu lutalo n'abavuzi b'embalaasi. Yali n'ebigaali eby'omu lutalo lukumi na bina (1,400), n'abavuzi b'embalaasi omutwalo mulala n'enkumi ibiri (12,000) abandi yaabata mu bibuga ebikuumirwamu ebigaali eby'omu lutalo, ate abandi yaabata mu Yerusalemu, mwene ye yali.

1 Bakyabazinga 5:7

Hiramu bwe yafuna obukwenda bwa Solomoni, yaasagamba inho, era yaakoba ati: “Musengwa Katonda olwaleero asaakibwe, eyagha Daudi omwana ow'amagezi okufuga eighanga lino eikologho.”

1 Bakyabazinga 6:16

Einhuma munda mu isinzizo, yaazimbayo ekisenge eky'embaawo edh'emivule nga dhiva ghansi dhaatuuka ku lubani. Mu nsambo eyo yaayawula ku isinzizo ekifo kya mita mwenda, ekyo nga n'Ekifo Ekitukuvu Einho.

1 Bakyabazinga 6:20

Ekifo ekyo Ekitukuvu kyali mita mwenda mu buleeyi, mita mwenda mu bugazi, n'emita mwenda mu bugungumavu, era yaalimbya zaabu omukenenule munda mwakyo mwonamwona. Era yaakola alutaari mu mbaawo edh'emivule.

1 Bakyabazinga 9:19

n'ebibuga bye ebyalimu amaterekero, n'ebibuga mwe yakuumiranga ebigaali bye eby'omu lutalo, n'ebibuga by'abasaadha be abavuzi b'embalaasi, n'ebindi byonabyona Solomoni bye yayenda okuzimba mu Yerusalemu ni mu Lebanoni, n'aghandi woonawoona mu biketezo bye yali afuga.

1 Bakyabazinga 9:27

Kyabazinga Hiramu yaasindika ku bagheereza be n'amaato, abaali n'obumanhi ku by'oku nhandha, baajiira mu maato ago ghalala n'abagheereza ba Solomoni.

1 Ebyomubyanda 22:4

Yaataagho n'embaawo edh'emiti emivule kamaala inho edhitasoboka kubalika, abantu b'e Sidoni n'ab'e Tiro dhe baamuleetera.

2 Ebyomubyanda 1:14

Yaasoloza ebigaali eby'omu lutalo n'abavuzi b'embalaasi. Yali n'ebigaali eby'omu lutalo lukumi na bina (1,400), n'abavuzi b'embalaasi omutwalo mulala n'enkumi ibiri (12,000) abandi yaabata mu bibuga ebikuumirwamu ebigaali eby'omu lutalo, ate abandi yaabata mu Yerusalemu, mwene ye yali.

2 Ebyomubyanda 2:10

Abantu bo abatema emiti ndidha kubafunira kilo dh'engaano ye bamaze okukuba edhigheza obukaire bubiri n'emitwalo amakumi ana (2,400,000), n'edha sayiri dhoona nga dhigheza kilo obukaire bubiri n'emitwalo amakumi ana (2,400,000), n'elita dh'omwenge ogw'emizabbibu emitwalo amakumi ana (400,000), n'omuzigo ogw'ebibala eby'emiti emyoliva nga gwona gugheza lita emitwalo amakumi ana (400,000).”

2 Ebyomubyanda 2:8

Mpeereza emiti emivule, n'emisipuressi, n'emyalumugi, okuva mu Lebanoni, kuba ndidhi ng'abantu bo bwe baidhi einho okutema emiti eyo mu Lebanoni. Era abantu bange baidha kukolera ghalala n'ababo,

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Zabbuli 29:5

Amamiro ga Musengwa Katonda gamenha emivule; Musengwa Katonda amenha emivule egy'e Lebanoni.

Zekaria 11:12

Naabakoba nti: “Bwe muba nga musazeegho okunsasula, mumpe empeera yange. Aye oba timwenda kugimpa, mugisigaze.” Kale bampa ebitundu bya feeza amakumi asatu, nga n'empeera yange.

Ab'e Roma 12:17

Mutasasulanga kibi na kibi, aye mukolenga ekyo abantu kye babona nga kikalamu.

Ab'Efeso 4:7

Aye buli mulala mu ife yagheebwa ekirabo eky'endhawulo nga Kurisito bwe yamugerera.

Amateeka Agokubiri 17:16

Era kyabazinga oyo atagezangaku kufuna mbalaasi kamaala, waire okwizaayo abantu e Misiri ayongere okufunayo embalaasi edhisingagho obungi. Kuba Musengwa Katonda yakoba ati timuja kwirayo eyo kabiri.

Ab'e Filippi 4:8

Ekisembayo, aboluganda, ebidhuubo byaimwe mubite ku bintu ebikalamu era ebigwaine okusaakibwa bino: ebituufu, ebigwaine okugheebwa ekitiisa, ebigwaine okukolebwa, ebitukuvu, ebigonzebwa era ebyegombebwa.