1 Bakyabazinga 5:15 - Baibuli Ekibono kya Katonda 2014

¹⁵ Solomoni era yali n'abasaadha emitwalo musanvu (70,000) abeetwisi, n'abandi emitwalo munaana (80,000) abaabaadhanga amabaale mu kiketezo eky'oku nsozi,

1 Bakyabazinga 5:15 ပူးပေါင်းရင်းမြစ်များ

2 Samueli 5:11

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, baghange okuzimbira Daudi ekisaagaati eky'obwakyabazinga.

1 Ebyomubyanda 14:1

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, bazimbire Daudi ekisaagaati eky'obwakyabazinga.

2 Ebyomubyanda 2:1

Agho Solomoni yaategeka okuzimba eisinzizo ery'okusinzizangamu Musengwa Katonda, era ni mwene okwezimbira ekisaagaati eky'obwakyabazinga.

2 Ebyomubyanda 2:2

Yaataagho abantu emitwalo musanvu (70,000) ab'okubbeedanga ebintu eby'okuzimbisa, n'abandi emitwalo munaana (80,000) ab'okubaadhanga amabaale mu biketezo eby'oku nsozi. Era yaataagho n'abandi enkumi isatu na lukaaga (3,600) ab'okubalabiriranga.

Ezera 2:58

Abagheereza ab'omu isinzizo n'abagheereza aba Solomoni boonaboona aghalala baali ebikumi bisatu na kyenda na babiri (392).

Nehemia 7:57

Mu baira okuva mu bunhage mwalimu abagheereza aba Solomoni bano: Ab'oku nda ya Sotai, n'ab'oku ya Soferethi, n'ab'oku ya Perida;

Nehemia 7:60

Abagheereza b'omu isinzizo n'abagheereza aba Solomoni boonaboona aghalala baali ebikumi bisatu na kyenda na babiri (392).

Zabbuli 45:13

abali n'obukombe obwa buli nsambo. Omumbeedha ali kwingira mu kisaagaati kya kyabazinga, aboneka bulungi inho, ebivaalo bye byakolebwa mu zaabu.

Yoshua 19:29

Olwo yaakyuka yaabita e Rama, yaatuuka e Tiro ekibuga ekyezungulwirwa ebimante ebigumu. Kabiri yaakyuka yaabita e Hosa era yaakoma ku Nhandha Eyaghagati. Era yaazingiramu n'ebibuga bino: Makalabu, Akazibu,

Yoshua 9:21

Mubaleke baidha kutwasaagiranga enku n'okutusomberanga amaadhi.” Era kityo bwe kyali.