1 Bakyabazinga 5:1 - Baibuli Ekibono kya Katonda 2014

¹ Agho kyabazinga Hiramu ow'e Tiro yaawulira nga Solomoni asiigiibwa omuzigo, okusikira lata we ku bwakyabazinga. Kale yaasindika abagheereza be ye Solomoni, kuba Hiramu oyo yali mukagwa wa Daudi okuva eira.

1 Bakyabazinga 5:1 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

2 Samueli 5:11

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, baghange okuzimbira Daudi ekisaagaati eky'obwakyabazinga.

2 Samueli 8:10

Kale yaatuma mutabane we Yoramu ye Daudi oyo n'obukwenda obw'okumulamusa n'okumukangaalusa olw'okulwanisa Hadadezeri n'amughangula; kuba Hadadezeri oyo yalwanisanga Toi emikuzi kamaala. Yoramu oyo yaatwalira Daudi ebintu ebya feeza, n'ebya zaabu, n'eby'ekyuma eky'ekikomo.

1 Bakyabazinga 10:25

Buli muntu eyaidhanga, ng'aleeta ekirabo: ebintu bya feeza n'ebya zaabu, ebivaalo, eby'okulwanisa, obuwoowo, embalaasi n'enhumbu. Abantu baaleetanga ebintu ebyo buli mwaka.

1 Bakyabazinga 5:10

Kale Hiramu yaagha Solomoni emiti gyonagyona, emivule n'emisipuressi gye yayenda.

1 Bakyabazinga 5:13

Agho kyabazinga Solomoni yaalagira baasoloza mu Isiraeli yoonayoona abasaadha emitwalo esatu (30,000) ab'okukolanga emirimo egy'olukako.

1 Ebyomubyanda 14:1

Agho kyabazinga Hiramu ow'e Tiro yaagheereza Daudi abakwenda, n'emiti emivule, n'ababaadhi, n'abazimbisa amabaale, bazimbire Daudi ekisaagaati eky'obwakyabazinga.

2 Ebyomubyanda 17:11

Abandi ku Bafilisiti baaleetera Yehoshafati ebirabo era baamugha ni feeza ng'omusolo. Abawarabu boona baamugha entaama enume kasanvu na lusanvu (7,700), n'embuzi enume dhoona kasanvu na lusanvu (7,700).

2 Ebyomubyanda 2:3

Solomoni yaagheereza Hiramu kyabazinga w'e Tiro obukwenda obukoba buti: “Ka ghabeegho enkolagana ninze nga ye wali nayo ni lata wange Daudi, bwe wamugheerezanga emivule gye yazimbisa ekisaagaati kye eky'obwakyabazinga.

2 Ebyomubyanda 9:26

Era Solomoni oyo yafuganga bakyabazinga boonaboona okuviira irala ku mwiga Eufurate, okutuukira irala ku nsi y'Abafilisiti, ni ku nsalosalo y'e Misiri.

Ezera 4:20

Era bakyabazinga ab'amaani baafuganga Yerusalemu ekyo, era baafuganga n'ekiketezo ekyo kyonakyona ekiri ere ng'osomoike omwiga Eufurate, nga baasolozaamu empooza, n'omusolo, n'ebisale ebindi.

Zabbuli 45:12

Abantu ab'e Tiro balikuleetera ebirabo obasiime, abantu abo abasinga kuba bakombe,

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Zabbuli 80:12

Kale lwaki wamenha olugo lwe wagusitaku, n'oleka kiisi abitagho okunoga ebibala byagwo?

Okuvaayo 34:24

Ndidha kubinga amaghanga agali ye muli kuja, ngaziye ekiketezo kye muja okutyamamu. Era ezira muntu aja kwegomba kutoola itaka lyaimwe, emikuzi egyo esatu buli mwaka, gye munaidhanga okunsinza nze Musengwa Katonda waimwe.

Isaia 23:1

Buno n'obukwenda obugema ku Tiro. Muwowoole amaziga imwe ab'amaato g'e Tarushishi. Ekibuga kyaimwe Tiro bakizikiriiza, tighakaaligho ndhu oba kifo kya kwewogomamu. Amawulire ago gabatuuseeku nga gaviira mu nsi Kupuro.

Ezekieli 19:11

Olusaga lwagwo olwasingamu obugumu lwakula lwaleegha, baalukolamu omwigo ogw'obwakyabazinga. Omuzabbibu ogwo gwakula gwaleegha inho ghaigulu, ng'ensaga dhaagwo edhiriku amakaba amangi badhirengerera ghala.

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Okubala 24:7

Amaadhi gaidha kubagwiranga mangi, ensigo dhaibwe dhibenga mu nimiro edhifukiriirwa obukalamu. Kyabazinga waibwe aidha kubanga mukologho okusinga kyabazinga Agagi, n'obwakyabazinga bwe bwidha kugheebwanga ekitiisa.

Luka 7:5

kuba agonza eighanga lyaife, era yatuzimbira ni sinagoga.”

Amateeka Agokubiri 20:11

Bwe banaabairangamu bati baikiriiza okweghaayo era ni babaigulirangagho emiryango gy'ekibuga kyaibwe, olwo abantu boonaboona abakirimu munaabafuulanga bairu baimwe, baabakoleranga emirimo egy'olukako.

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.