1 Bakyabazinga 4:33 - Baibuli Ekibono kya Katonda 2014

³³ Yayogera ku miti, okuva ku muvule ogw'omu Lebanoni, okutuuka ku kati akeetebwa hissopu, akamera ku bimante. Yaayogera ni ku nsolo, ni ku nhonhi, ni ku byeghaluliza ku itaka, ni ku byenhandha.

1 Bakyabazinga 4:33 ပူးပေါင်းရင်းမြစ်များ

1 Bakyabazinga 4:32

Yayiiya ensambo enkumi isatu (3,000), n'enhembo edhiswika mu lukumi (1,000).

1 Bakyabazinga 4:34

Abantu baava mu maghanga goonagoona okwidha okuwulira ku magezi ga Solomoni. Era bakyabazinga ab'ensi dhoonadhoona abaawulira ku magezi ge, baatuma abantu okwidha okugawulirisa.

2 Bakyabazinga 19:23

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era n'otemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Okuvaayo 12:22

Bw'amala atoole akasaga ak'akati akeetebwa hissopu akainhike mu musaayi ogw'ensolo eyo nga guli mu kibya, agusiige ku myango egy'omulyango ogw'endhu ye ku gy'omu mbali gyombi ni ku gwa ghaigulu. Era ghatabaagho afuluma kuva mu ndhu ye okutuusa nga bukyeire,

Olwembo 4:8

Omugole wange, idha tuje, tuve ku nsozi dh'e Lebanoni; idha tuje, tuve mu Lebanoni. Vaayo ku mutwe ogw'olusozi Amani, ove n'eyo ku mitwe egy'ensozi Seniri ni Herimoni, eri empologoma n'empala.

Olwembo 5:15

Amagulu ge malungi ng'oti n'empango dhe baakola mu mabaale ag'omughendo agamirimiinha, ni badhita mu bikolo ebya zaabu. Era wa kitiibwa ng'oti n'ensozi edh'e Lebanoni, n'emiti gyaku emivule egyegombebwa.

Abalevi 14:51

Aidha kutoolanga omuti oguwunha akawoowo, n'akati akeetebwa hissopu, n'enhonhi esigairegho enamu, byonabyona yaabiinhika mu musaayi gw'enhonhi eitiibwa, ni mu maadhi agaviire mu nsulo edhikuuluula, yaamansira endhu eyo emikuzi musanvu.

Okubala 19:18

Agho omuntu omulongoofu aidha kutoolanga akati akeetebwa hissopu akainhike mu maadhi ago, memale agamansire mu weema eyo, ni ku bintu byamu byonabyona, ni ku bantu abaagirimu, ni ku oyo anaabanga ng'agemye ku muntu aitiibwa obwitibwe, oba ku afiire mwene, oba ku igumba, oba ku magombe.

Okubala 24:6

Ebifo ebyo biri ng'oti biiko ebyegolomoire, era ng'oti nimiro edhiri ku mbali okw'omwiga. Biri ng'oti miti egiri n'akawoowo k'alowe, Musengwa gye yasimba era ng'oti mivule egiri kumpi n'amaadhi.

Abaheburayi 9:19

Musa bwe yamala okukobera abantu ebiragiro byonabyona ebiri mu Mateeka, yatoola omusaayi ogw'ente ento n'ogw'embuzi, ghalala n'amaadhi, n'obuviiri bw'entaama obwa kasaayisaayi, n'akati akeetebwa hissopu, yaamansira ku kitabo ni ku bantu boonaboona,