1 Bakyabazinga 4:30 - Baibuli Ekibono kya Katonda 2014

³⁰ Amagezi ga Solomoni nga gasinga amagezi ag'abantu b'e buvandhuba n'ag'abagezi ab'e Misiri goonagoona.

1 Bakyabazinga 4:30 ပူးပေါင်းရင်းမြစ်များ

Amainhama 25:6

Aye Aburahamu oyo bweyali ng'akaali mulamu, yagha abaana be ab'abakazi ab'embali ebirabo. Yabasindika mu nsi ey'e buvandhuba, bave aghali omwana we oyo Isaaka.

Amainhama 29:1

Agho Yakobo yeeyongera okutambula, yaatuuka mu nsi y'abantu ab'e buvandhuba.

1 Bakyabazinga 10:23

Kale atyo kyabazinga Solomoni yaasingira ghala bakyabazinga boonaboona ku nsi, obukombe n'amagezi.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Omulangirizi 1:16

Agho naakoba mule nti: “Nfuuse muntu mukologho era omugezi einho, naasinga abo boonaboona abansooka okufuga mu Yerusalemu. Bwenebwene mboine ebintu kamaala, byandeetera okumanha n'okutegeera.”

Ezekieli 25:4

Kale ni ndibaghaayo mu ngalo edh'abantu ab'e buvandhuba baabaghangula, baasimba weema dhaibwe mu nsi yaimwe baagibaamu. Baliryanga ebibala era baanhwanga amata ebyandibaire ebyaimwe.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Matayo 2:1

Agho Yesu bwe yazaalibwa e Bethelehemu mu Buyudaaya, mu byanda bya kyabazinga Herode, ghaabaagho abakugu mu by'emuunienie abaava e buvandhuba baatuuka mu Yerusalemu.

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.

Ebikolwa by'Abatume 7:22

Musa yaayegeresebwa amagezi ag'Abamisiri, yaaba wa maani mu bibono ni mu bikolwa.

Abalamuzi 6:33

Agho Abamidia boonaboona, n'Abamaleki, n'abatyamye ab'e buvandhuba, beesoloza. Baasomoka omwiga Yorudani, baasimba weema dhaibwe mu kyetebwa Ekiiko ky'e Yezireeli.